ሀብታሙ ስዩም

"ቃላት የለኝም!" - የቦረናው ድርቅ በወጣት በጎ አድራጊ አንደበት

ቦረና ውስጥ በድርቅ ምክንያት ለከፋ ጉዳት የተዳረጉ ነዋሪዎችን ለመርዳት በራስ ተነሳሽነት ከተንቀሳቀሱ ወጣቶች መካከል አንዱ አብነት ከበደ ነው ። በቀደሙ የበጎ አድራጎት እንቅስቃሴዎቹ የሚታወቀው ወጣት ፣ ማህበራዊ መገናኛዎችን በመጠቀም ህዝብ ስለ ድርቁ እንዲያውቅ ከማድረግ በተጨማሪ ወደ ስፍራው በመሄድ መሰረታዊ አቅርቦቶችን ለማዳረስም እየጣረ ይገኛል ። አብነት በቦረና ያየውን ለባልደረባችን ሀብታሙ ስዩም በስልክ አጋርቶታል።

ስለ " ሀገር ውስጥ አምባሳደሮቹ " ሀገር አስጎብኝዎች ፦ቆይታ ከአሸናፊ ካሳ ጋር

ትናንት ዓለም አቀፉ የሀገር አስጎብኝዎች ቀን ተከብሯል ። የዓለምን መስህብ ለማየት ከሀገር ሀገር የሚዘዋወሩ ጎብኝዎችን በማገልገል ላይ የሚገኙ ታታሪ ባለሙያዎችን ለማክበር እና ለማሰብ በዓለም አቀፉ የአስጎብኝዎች ፌዴሬሽን የተመረጠ ቀን ነው።ታዲያ እኛም በሺዎች የሚቆጠሩ ወጣቶች ሙያ ስለሆነው አስጎብኝነት ይዘት በጥቂቱ ለማወቅ እንግዳ ጋብዘናል ። እንግዳችን የኢትዮጵያ "ቱሪስት" አስጎብኝዎች ባለሙያዎች ማህበር ፕሬዚደንት አሸናፊ ካሳ ነው ።

ጥንታዊ ኢትዮጵያን ዘካሪው የስነ_ጥበብ ባለሙያ ሀይሉ ክፍሌ

ሀይሉ ክፍሌ ጥንታዊ ኢትዮጵያን በሚዘክሩ የማህተም ጥበብ ስራዎቹ የሚታወቅ የስነ-ጥበብ ባለሙያ እና መምህር ነው። በቅርቡ በኢትዮጵያ ፕሬዚደንት ሳህለወርቅ ዘውዴ ሳይቀር የተመሰገነው ሀይሉ ሌሎች ዘዴዎችን አክሎ በሚያቀርባቸው ስራዎች ረብ ያላቸው ሀሳቦችንም እያጋራ ይገኛል ። ከስራው ጋር የተያያዙ ጉዳዮችን ለማንሳት ሀብታሙ ስዩም በስልክ መስመር አግኝቶታል።

የኢትዮጵያ መንግሥት ገብቶበታል ከተባለው የኃይማኖት ጣልቃ ገብነት እንዲታቀብ ተጠየቀ

የቅዱስ ሲኖዶሱ መልስ እና የዋሺንግተን ዲሲው ሰልፍ

የቅዱስ ሲኖዶሱ መልስ እና የዋሺንግተን ዲሲው ሰልፍ

የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ፣ ጠቅላይ ሚኒስትር ዐቢይ አሕመድ፣ በሰሞኑ የኢትዮጵያ ኦርቶዶክስ ተዋሕዶ ቤተ ክርስቲያን የሹመትውዝግብ ጉዳይ የሰጡትን ማብራሪያ እና መንግሥታቸው የወሰደውን አቋም ተቃወመ፤ አስቸኳይ የእርምት ርምጃ የማይወስዱ ከኾነም፣ በቅዱስ ፓትርያርኩ እና በብፁዓን ሊቃነ ጳጳሳት የሚመራ፣ በቤተ ክርስቲያኒቷ ላይ እየተፈጸመ ነው ያሉትን በደል ለዓለም አቀፉ ኅብረተሰብ የሚያሰማ ሰላማዊ ሰልፍ እንደሚጠራ አስጠነቀቀ።

ማህበራዊ መገናኛ ለትውልደ-ኢትዮጵያዊያን ንቃት ፤ቆይታ ከዶ/ር እልልታ ረጋሳ ጋር

ዶ/ር እልልታ ረገሳ ትውልደ -ኢትዮጵያዊያን በጤና ፣ በትምህርት እና ሁለንተናዊ ቤተሰብ ግንባታ ረገድ ማወቅ የሚገቧቸውን መረጃዎች የሚያጋራው፣ ተያያዥ አገልግሎቶችንም የሚሰጠው "አኩኩሉ ፋሚሊ" ተቋም መስራች ናቸው ።ከህክምና ባለሙያነት ተሻግሮ ለዓመታት በዘለቀው ማህበረሰብ አገዝ ተሳትፎ የሚታወቁት ዶ/ር እልልታ ፣ ትውልደ-ኢትዮጵያዊያን በዋናነት ስለሚጋፈጣቸው ተግዳሮቶች ፣ መፍትሄዎች፣ የማህበራዊ ሚዲያ ሚና እና ተያያዥ ጉዳዮች ሀሳባቸውን ሊሰጡን ፈቅደዋል ።

ማህበራዊ አውታሮች ለዕውቀት ሸግግር ፤ ቆይታ ከአንተነህ ተሰማ (አቢ) ጋር

አንተነህ ተሰማ(አቢ) ማህበራዊ መገናኛን ለዕውቀት ሽግግር አገልግሎት እየተጠቀሙ ከሚገኙ ኢትዮጵያዊያን ወጣቶች መካከል አንዱ ነው። አንተነህ በዩቲዩብ አውታር ላይ ከ350ሺ በላይ ተከታዮች ያሉት "ማራኪ -ኢንግሊሽ ዊዝ አቢ" የተሰኘ የእንግሊዝኛ ቋንቋ ትምህርት ቤት መስራች ነው። ሀብታሙ ስዩም ስለ አገልግሎቱ የበለጠ ለማወቅ አንተነህን በስልክ መስመር አግኝቶታል ።

ፊልም ለማህበረሰባዊ ንቃት ፡-ቆይታ ከጋዜጠኛ እና ፊልም ባለሙያ ማንተጋፍቶት ስለሺ ጋር

ማንተጋፍቶት ስለሺ ከሚታወቅበት የጋዜጠኝነት ስራው ባሻገር ዓለም አቀፋዊ ሽልማቶችን ያሸነፈ የፊልም ባለሙያ ነው ። ከዚህ በፊት "ግርታ " የተሰኘው ፊልሙ በዛንዚባር ፊልም ፌስቲቫል ላይ አሸናፊ ከመሆኑ በተጨማሪ "የአፍሪካ ኦስካር " ተብሎ በሚጠራው የፓን አፍሪካ የፊልም እና ቴሌቭዥን ፌስቲቫል ላይም ዕጩ ሆኗል። በቅርቡ ለዕይታ ያበቃውን "የበረንዳው ንጉስ" የተሰኘ አጭር ፊልም መነሻ አድርገን ከማንተጋፍቶት ጋር አጭር ቆይታ አድርገናል ።

"ቻት-ጂፒቲ" በረከቶቹ እና ተያያዥ ስጋቶች ፣ አጭር የባለሙያ ማብራሪያ

ሰዎች የሚሿቸውን መረጃዎች እጅግ በላቀ ፍጥነት የሚያቀርበው፣ ለጥያቄዎቻቸው አፋጣኝ ምላሽ የሚሰጠው "ቻት ጂፒቲ" አገልግሎት፣ ሰዎች በራሳቸው ጥረት ለመፈጸም ጊዜያት የሚፈጁባቸውን ስራዎች ሳይቀር ከመቅጽበት በመከወን ረገድ አድናቆትን አግኝቷል። ለመሆኑ ይሄ የዓለምን መልክ እንደሚቀየር የተነገረለት የቴክኖሎጂ ውጤት ፋይዳው እና ስጋቶቹ ምን ይመስላሉ ?

"የእኔ ሰላማዊ ድንበሮች " የስዕል አውደ-ርዕይ

ከግለሰብ እስከ ሀገራት ድረስ ለግጭት ከሚዳርጉ ጉዳዮች መካከል አንዱ ድንበር ነው ። ወጣት ኢትዮጵያዊያን የስዕል ጥበብ ባለሙያዎች ከጉዳዩ ጋር በተያያዘ ያላቸውን ምልከታ ከሰሞኑ በቡርሽ ፣ቀለም እና ሸራ ታግዘው ለዕይታ አቅርበዋል ። "የእኔ ሰላማዊ ድንበሮች " የተሰኘውን የስዕል አውደ-ርዕይ ያሰናዳውን ቅርንፉድ ሚዲያ ኃላፊ መቅድም ደረጀ ከአውደ-ርዕዩ ጋር የተያያዙ ሀሳቦችን ያጋራናል ።

የስኬታማ ኢትዮጵያዊያንን ታሪክ ለህጻናት ፤ ቆይታ ከደራሲ ዓለም አወቀ ጋር

ዓለም አወቀ ትውልደ-ኢትዮጵያዊያን ህጻናትን በመጽሃፍት አማካኝነት ከወላጆቻቸው ሀገር ስኬታማ ባለታሪኮች ጋር ለማገናኘት ጥረት እያደረገ የሚገኝ ደራሲ ነው። በቅርቡ በሁለት ቋንቋዎች ያሳተመው እና በትረካ ጭምር ያቀረበው ፣ "የአትሌት አበበ ቢቂላ ወርቃማ ስኬት " የተባለው መጽሃፉ የዚህ ማሳያ ነው። ከዚህ በተጨማሪ በታዋቂው ሳይንቲስት ፕ/ር አክሊሉ ለማ ላይ የሚያተኩር መጽሃፉም በቅርቡ ለገበያ ይውላል ተብሎ ይጠበቃል።ሙሉ መሰናዶው ከስር ተያይዟል ።

ቆይታ ከፊልም ባለሙያ እና ጋዜጠኛ ሰሎሜ ሙሉጌታ ጋር

ሰሎሜ ሙሉጌታ በፊልም ጥበብ እና በጋዜጠኝነት ዘርፍ የራሷን አሻራ እያኖረች የምትገኝ ትውልደ-ኢትዮጵያዊት ናት ። መልካም ምላሽ ያገኘው " ውቭን" ፊልም አጋር አዘጋጅ፣ ጸሓፊ እንዲሁም ተዋናይት ከመሆኗ በተጨማሪ በተለያዩ ፊልሞች ውስጥ ተሳትፋለች ። በቅርቡ ደግሞ "ሄሎ ኢትዮጵያ "የተሰኘ አውታር በመክፈት በኢትዮጵያ ላይ ያነጣጠሩ ሀሳቦችን በማጋራት ላይ ትገኛለች። ሀብታሙ ስዩም በዩ.ኤስ - አፍሪካ መሪዎች ጉባዔ ላይ ሰሎሜን አግኝቶ በስራዎቿ ዙሪያ ተጨዋውተዋል።

ቆይታ ከዓለም አቀፍ የእግር ኳስ ዳኛ እና "ኮሚሽነር" ጌራወርቅ ከተማ ጋር

በሀገር ውስጥ እና በዓለም አቀፍ የእግር ኳስ ጨዋታዎች ላይ ካገለገሉ ጥቂት ኢትዮጵያዊያን ዳኞች መካከል አንዷ ጌራ ወርቅ ከተማ ናት ። በአሁኑ ሰዓት በጨዋታ ታዛቢነት (ኮሚሽነርነት ) እያገለገለች ያለችው ጌራ ወርቅ ፣ ሴት የእግር ኳስ ዳኞች እንዲበራከቱ ተጨማሪ ስራዎች መሰራት እንዳለባቸው ትናገራለች ። የዓለም ዋንጫን አስታከን በእንግድነት የጋበዝናት ጌራወርቅ ፣ ስለሙያዊ ጉዞዋ እና ተያያዥ ጉዳዮች ሀሳቦቿን ታጋራናለች ።

የዩኤስ- አፍሪካ መሪዎች ጉባዔ ሁለተኛ ቀን ውሎ

የኢትዮጵያዊያኑ አባት እና ልጅ ትኩረትን የሳበ የዓለም ዋንጫ ጉዞ

ለኢትዮጵያ የስፖርት ቤተሰብ ስሙ አዲስ ያልሆነው ቴዎድሮስ ባጫ እና ልጁ ዳግማዊ ቴዎድሮስ ሁሉንም የዓለም ዋንጫ ጨዋታዎች እንዲታደሙ በፊፋ ከተጋበዙ ሰነባብተዋል። ካታር ላይ ከዓለም ዕውቅ የስፖርት ሰዎች ጋር በሚገናኙባቸው ቅጽበቶች የሀገራቸውን ባህል በማስተዋውቅ ጭምር የሚያሳልፉት አባት እና ልጅ "የእግር ኳስ ፍቅር " ብሎም እዚህ ለመድረስ ያለፉበት መንገድ የብዙዎችን ትኩረት የሚስብ ነው ። ልዩ የዓለም ዋንጫ ሽፋናችን እንግዶች አድርገናቸዋል ።

ኪረሙና አንገር ጉቴ ወረዳዎች ውስጥ በተፈፀሙ ጥቃቶች ብዙ ሰዎች መገደላቸው ተገለፀ

ኪረሙና አንገር ጉቴ ወረዳዎች ውስጥ በተፈፀሙ ጥቃቶች ብዙ ሰዎች መገደላቸው ተገለፀ

በኦሮሚያ ክልል ምስራቅ ወለጋ ዞን ኪረሙ እና አንገር ጉቴ ወረዳዎች ውስጥ ከኅዳር 9 ጀምሮ እየተፈጸሙ ነው በተባሉ ጥቃቶች ቁጥሩ የበዛ ሰው መገደሉንና በሺሆች የሚቆጠሩ መፈናቀላቸውን ነዋሪዎች ለአሜሪካ ድምፅ ተናግረዋል።

ልዩ ድጋፍ ለሚሹ ታዳጊዎች ተገን ለመሆን ያለመው የ "ራዕይ" ምሽት

ልዩ ድጋፍ ለሚሹ ህጻናት እና ታዳጊዎች የቀለም እና የሙያ ትምህርት መስጠትን ጨምሮ ሌሎች የበጎ አድራጎት ስራዎችን ለዓመታት የከወነው የሰሜን አሜሪካው ራዕይ የህጻናት መርጃ ድርጅት ከሰሞኑ ልዩ የድጋፍ ማሰባሰቢያ እና ግንዛቤ ማስጨበጫ ዝግጅት አሰናድቷል። በፋልስ ቨርች ፣ቨርጂኒያ ግዛት የተካሄደውን ይሄን ዝግጅት ሀብታሙ ስዩም ያስቃኘናል ።

የአማካይ ዘመን ምርጫ መራጮች እና አስመራጮች አስተያየት

ዛሬ በመላ ዩናይትድ ስቴትስ የአማካይ ዘመን ምርጫ እየተካሄደ ነው። በአርሊንግተን ቨርጂኒያ ማዕከላዊ ቤተመጽሐፍት ምርጫ ጣቢያ የተገኙ መራጮች እና አስመራጮች አስተያየታቸውን አካፍለውናል። /ሙሉውን ከተያያዘው ፋይል ይከታተሉ/