ሀብታሙ ስዩም

የአሜሪካ ምርጫ እና የትውልደ ኢትዮጵያዊያኑ ቤተሰብ ተሳትፎ

ኢትዮ አሜሪካዊያን ቤተሰቦች በዘንድሮው ምርጫ ላይ በንቃት ከሚሳተፉ ዮናይትድ ስቴትስን መኖሪያቸው ካደረጉ ማኅበረሰቦች መካከል እንደሚሆኑ ይጠበቃል። በተለይ ከዓመታት በፊት ወደ ሀገሪቱ የመጡ ፤ የነጻ ምርጫ ሂደትን ፋይዳ የተገነዘቡ ወላጆች ልጆቻቸው ዕድሜያቸው ለምርጫ ሲደርስ ዕድሉን በአግባቡ እና በጥንቃቄ እንዲጠቀሙበት በማበረታት የዜግነት ኃላፊነታቸውን እየተወጡ ይገኛሉ። ለዚህ ማሳያ የሚሆን አንድ ቤተሰብ ሀብታሙ ስዩም ያስተዋውቀናል።

 ለሴቶች ምጣኔ ሀብታዊ አቅም መደርጀት የምትታትረው ወጣት

ማህሌት ዘለቀ የአፍሪካ ሴቶች ምጣኔ ሀብት ማጎልበት ተቋም ኃላፊ ፣ የሴቶች እና ወጣቶች ኢኮኖሚ ተኮር መብቶች ተሞጋች ናት። የተባበሩት መንግስታት ድርጅትን ጨምሮ የተለያዩ ዓለም አቀፍ ተቋማት በሚያሰናዷቸው መድረኮች ላይ በንቃት በመሳተፍ ለወጣቶች የተሻለ ዓለም ለመፍጠር ባቀዱ መርሀ ግብሮች ላይም ድምጿን ታሰማለች ።ሀብታሙ ስዩም ከማህሌት ጋር አጭር ቆይታ አድርጓል።

የ"ወገኔ ኢትዮጵያ" የርኅራኄ ምሽት 

ለቴክኖሎጂ ዕውቀት ልቀት የሚታትረው የትውልደ ኢትዮጵያውያኑ ተቋም

ትውልደ ኢትዮጵያውያን በቴክኖሎጂው መስክ የተሻሉ የሥራ አማራጮች ተጠቃሚ እንዲሆኑ የሚያግዙ የስልጠና ተቋማት በዋሺንግተን ዲሲ እና አካባቢዋ እየተበራከቱ ይገኛሉ። ከእነዚህ መካከል አንዱ የሆነው አመኒም ሶሉሽንስ ፣ የቀደመ የቴክኖሎጂ መስክ ልምድ ለሌላቸው ሰዎች አጫጭር ስልጠናዎችን በመስጠት ለቁም ነገር አብቅቷል። ከሰሞኑ ተቋሙ ባሰናዳው መርሐ ግብር ፣ የቀድሞ ሰልጣኞቹን ስኬት ከማክበሩ በተጨማሪ ፣ የአቅም ግንባታ እና የትስስር መርሐ ግብሮችንም አከናውኗል።

የስድስተኛው የታላቁ የአፍሪካ ሩጫ ቅኝት

ለ40 ዓመታት ዓለም አቀፍ ስደተኞችን ያገዘው የኢትዮጵያውያኑ ማህበር

"የኢትዮጵያ ኮሚዩኒቲ ማህበር በቺካጎ" ፣ ለአራት አስርት ዓመታት በስደት ወደ ዩናይትድ ስቴትስ የመጡ ህዝቦችን ሲያግዝ የቆየ ተቋም ነው። ከመላ ዓለም ለሚመጡ ስደተኞች መሰረታዊ አገልግሎቶችን ከመስጠት በተጨማሪ ፣ ከአሜሪካ ባህል እና ምጣኔ ሀብታዊ ስርዓት ይላመዱ ዘንድ በዘረጋቸው ዘመን ተሻጋሪ መርሀ ግብሮችም ይታወቃል። ከሰሞኑ ወደ ቺካጎ ያመራው ሀብታሙ ስዩም በቀጣዩ አጭር ዘገባ የማህበሩን ጉዞ እና የመጪ ዘመን ትልም ቃኝቷል።

የዴሞክራቲክ ፓርቲው ብሔራዊ ጉባዔ ሁለተኛ ቀን ውሎ

የዴሞክራቲክ ፓርቲ ወኪሎች እና የመጪው ምርጫ ፉክክር

የዴሞክራቲክ ፓርቲ ብሔራዊ ጉባዔ ቺካጎ ላይ ተጀመረ

የትውልደ ኢትዮጵያውያን ፖለቲካዊ እና ሕዝባዊ ተሳትፎ በአንጋፋ ነዋሪዎች ዐይን

ዶክተር ቴዎድሮስ ወልደ መድኅንና ዶክተር አሰፋ ዳምጤ፣ በዌስካንሰን ግዛት ሚልዋኪ ከተማ ነዋሪ የኾኑ በዕድሜ ብቻ ሳይኾን በትምህርትም የካበቱ ትውልደ ኢትዮጵያውያን ናቸው። በግዛቲቱ ውስጥ ከ40 ዓመታት በላይ የኖሩት አንጋፎች፣ በሚልዋኪ ከተማ አስተዳደር እንዲሁም በከፍተኛ ትምህርት ተቋማት ውስጥ በተለያየ ኃላፊነት ላይ አገልግለዋል። ፖለቲካዊ እና ሕዝባዊ ተሳትፎ እንዲያድግ የድርሻቸውን በመወጣትም ይታወቃሉ።በተያያዥ ጉዳዮች ላይ አነጋግረናቸዋል ።፡፡

ቆይታ ከያሊ 2024 ተሳታፊ ኢትዮጵያውያን ወጣቶች ጋራ

የወጣት አፍሪካዊያን መሪዎች ተነሳሽነት በእንግሊዘኛው ምኅጻር "YALI" 10ኛ ዓመቱን ዘንድሮ ላይ የደፈነ፣ ከሰሀራ በታች ከሆኑ ሀገራት የተመረጡ በሺሕዎች የተቆጠሩ ወጣቶች የተሳተፉበት የአሜሪካ መንግሥት የትምህርት እና የልምድ ልውውጥ መርሐ ግብር ነው ። ከዘንድሮዎቹ ተሳታፊዎች መካከል ከ20 የሚበልጡ ወጣት ኢትዮጵያውያን ይገኙበታል። ለሳምንታት ከቆዩባት ዩናይትድ ስቴትስ የቀሰሙትን እንዲያጋሩን ለውይይት ጋብዘናቸዋል። ውይይቱን ከተያያዘው ፋይል ይከታተሉ።

የትውልደ ኢትዮጵያውያን ብቸኛ ደብር በሚልዋኪ ቅኝት

ትረምፕ ከግድያ ሙከራ በኋላ የታዩበት ሁለተኛው ቀን የሪፐብሊካን ፓርቲ ብሔራዊ ጉባኤ

የዩኒቨርሲቲ ማደሪያ ክፍሉን ወደ እውቅ የኢትዮጵያ ቡና መዳረሻ የቀየረው ወጣት

ፍራኦል አህመድ በዩናይትድ ስቴትስ ሚዙሪ ግዛት ውስጥ በሚገኘው ሴንት ሉዊስ ዩኒቨርሲቲ ተማሪ ነው ። በማደሪያ ክፍል ውስጥ የጀመረው የቡና ንግድ አድጎ “ሞይ ካፊ " የተሰኘ ታዋቂ የቡና አቀነባባሪ ድርጅት ባለቤት አድርጎታል። ወጣቱን ትውልደ ኢትዮጵያዊ ከከተማዋ የተሻገረ ዕውቅና እንዲያገኝ እና ለበርካታ ወጣቶች መነቃቃትን እንዲፈጥርም አስችሎታል ። ሀብታሙ ስዩም ከፍራኦል አህመድ ጋር አጭር ቆይታ አድርጓል ።

አማርኛን በአሜሪካ የትምህርት ተቋማት የማስተማር ፋይዳ እና ተግዳሮት

ኤኤንሲ በምርጫው እየቀናው እንዳልኾነ ቀድመው የወጡ ውጤቶች እያመለከቱ ነው

የኢትዮጵያውያን ወጣቶችን የዕውቀት መሻት ለማገዝ የቆመው አውታር

“ትምህርት ለኢትዮጵያ” - ኢትዮጵያውያን ተማሪዎች ዓለም አቀፍ ተወዳዳሪ ይኾኑ ዘንድ ለማገዝ የበይነ መረብ ላይ አገልግሎት የሚሰጥ ተቋም ነው። ተቋሙ ይበልጡኑ የሚታወቀው፣ “ሳቋማ” በተሰኘው ሳይንስ፣ ቋንቋ እና ሒሳብ ትምህርቶች ላይ ባተኮረው ነጻ የትምህርት አውታሩ ሲኾን፣ ከ7ኛ እስከ 12ኛ ክፍሎች ላሉ ተማሪዎች በባለሞያዎች የተዘጋጁ አጋዥ ትምህርቶችን ያሰራጫል፡፡ ሀብታሙ ሥዩም፥ የተቋሙን መሥራች ሊና ጌታቸውን አነጋግሯል። ፋይሉ ከሥር ተያይዟል።

ሁለንተናዊ ጤናማነትን የሚያበረታታው “የኪነት ቤት” ጅምር

የሁለንተናዊ ጤናን(Wellness) ንቃት ለማስፋፋት ጥረት እያደረጉ ከሚገኙ ትውልደ ኢትዮጵያውያን መካከል አንዷ ቤተ ልሔም በቀለ ናት። “ኪነት ቤት” የተሰኘው ተቋም መሥራች የኾነችው ቤተ ልሔም፣ ወጣቶች አእምሮዊ እና አካላዊ ጤናማነትን የሚያሳድጉበትን ሞያዊ ምክር ትሰጣለች። ቤተሰብ እና ማኅበረሰብ ተኮር አንቂ መድረኮችንም ታስተባብራለች። በተዛማጅ ጉዳዮች ላይ የተደረገው ቆይታ ከሥር ተያይዟል።

የኢትዮጵያውያንና ኤርትራውያን ተማሪዎች ማኅበር የባህል እና ትስስር መድረክ

ከዩናይትድ ስቴትስ አንጋፋ የትምህርት ተቋማት መካከል አንዱ በኾነው ዩኒቨርሲቲ ኦፍ ሜሪላንድ የሚገኘው የኢትዮጵያውያንና የኤርትራውያን ተማሪዎች ማኅበር፣ ልዩ የባህል እና የትውውቅ መርሐ ግብር ሚያዝያ 13/2016 ዓ.ም አከናውኗል። የዩኒቨርሲቲው የወቅቱ እና የቀድሞ ተማሪዎች በተሳተፉበት በዚኹ ዝግጅት ላይ ከቀረቡ ኪናዊ ትርኢቶች ጎን ለጎን፣ በተማሪዎች እና በስኬታማ ተቋማት መካከል ትስስርን ያጠናክራሉ የተባሉ መሰናዶዎችም ቀርበዋል።ዘገባውን ከተያያዘው ፋይል ይከታተሉ።

ኬኒያውያንና ኢትዮጵያውያን በለንደኑ ማራቶን ድል ቀናቸው