"የሰለጠኑ መሪዎች ይህን ዓይነቱን አመጽ ተገቢ ነው ብለው አያምኑም" - ምክትል ፕሬዚደንት ጆ ባይደን

እሥራኤልን እየጎበኙ ያሉት የዩናይትድ ስቴትሱ ምክትል ፕሬዚደንት ጆ ባይደን በፍልስጤማውያን የተፈጸሙትን ጥቃቶች፣ "በጥላቻ ላይ የተመሰረተ አመጽ ነው" በማለት ድርጊቱን አወገዙ።

የእሥራኤሉ ጠቅላይ ሚኒስትር ቤንጃሚን ነታንያሁ (Benjamin Netanyahu) በተገኙበት ንግግር ያደረጉት ባይደን፣ በትናንቱ ዕለት በስለት ተወግቶ ሕይወቱ ያለፈው አሜሪካዊ ግድያ፣ "የሽብር ሥራ ነው" ማለታቸውም ተሰምቷል።

"የሰለጠኑ መሪዎች ይህን ዓይነቱን አመጽ ተገቢ ነው ብለው አያምኑም" ሲሉም ተደምጠዋል ያሜሪካው ምክትል ፕሬዚደንት።

ናታንያሁ በበኩላቸው፣ ለዚህ ዓይነቱ ጥቃት ምንም ዓይነት ማስተባበያ አይገኝለትም" ብለው፣ ፍልስጥኤማውያን ድርጊቱን ባለማውገዛቸውም ነቅፈዋል።