ዋሽንግተን ዲሲ —
ዑጋንዳ የየካቲት አሥሩን ፕሬዝዳንታዊ ምርጫ አወዛጋቢ ውጤት ተከትሎ በአገሪቱ የነገሰው ውጥረት እየናረባለበት ባሁኑ ወቅት፤ ጉዳዩ ወደ ጠቅላይ ፍርድ ቤት ሊያመራ መሆኑ ተገለጠ።
ከፕሬዝዳንታዊ ተፎካካሪዎች የአንዱ የAmama Mbabazi ነገረ ፈጅ ናቸው፤ በትላንትናው እለት ከጊዜ ገደቡ ማብቂያጥቂት ደቂቃዎች ቀደም ብለው የክስ አቤቱታውን ለአገሪቱ ጠቅላይ ፍርድ ቤት ያስገቡት።
የክስ አቤቱታው፥ ጉቦን፥ የድምጽ መስጫ ቁሳቁሶች ከተመደበላቸው ጊዜ ዘግይቶ መድረስና “የምርጫ ካርዶች አስቀድመውከተለዩ በኋላ በኮሮጆዎች ታጭቀው ተወስደዋል፤” የሚለውን ጨምሮ ሃያ ስምንት የተለያዩ ክሶችን ነው ተቃዋሚዎችያቀረቡት።
የዑጋንዳ ጠቅላይ ፍርድ ቤት የMr Mbabazi’ን ጉዳይ በሚቀጥለው ሳምንት ይመለከታል ተብሎ ይጠበቃል። ብይንለመስጠትም የሰላሳ ቀናት እድሜ አሉት።
