አዲስ አበባ —
ከተቃዋሚ ፓርቲዎች የሚሰሙ መረጃዎች ወቅታዊውን የክልሉን ሁኔታ አያሳዩም፤ ሲል የኦሮሚያ ክልል አስተዳደር ለአሜሪካ ድምጽ ሬድዮ ገለጸ።
“የተቃዋሚዎቹ አስተያየት ብጥብጡ እንዲቀጥል ከመፈለጋቸው የመነጨ ነው፤” ሲሉ ባለፈው ቅዳሜ በአሠራጨነው ዝግጅት በሦሥት የኦሮሚያ ከተሞች የሚገኙ የኦሮሞ ፌድራሊስት ኮንግሬስ ፓርቲ አባላት “ክልሉ ወታደራዊ አስተዳደር ስር ይገኛል”ማለታቸው ይታወሳል።
በማሕበራዊ ድረ ገጾች “ኦሮሚያ በስምንት ቀጣና ተከፋፍላ በጄኔራሎች እየተዳደረች ነው” በሚል የተሰማውንም አቶ ፈቃዱ“ከእውነት የራቀ” ሲሉ አስተባብለዋል።
በክልሉ በተለያዩ ትምሕርት ቤቶች የመማር ማስተማሩ ሂደት ወደ ነበረበት ሁኔታ አልተመለሰም የሚለውን በሦሥት የኦሮሚያ ከተሞች የሚገኙ የኦሮሞ ፌድራሊስት ኮንግሬስ ፓርቲ አባላት የሰጡትን አስተያየት ጨምሮ ቃል አቀባዩ በተለይ ከአሜሪካ ድምጽ ጋር ባካሄዱት ቃለ ምልልስ የሰጡትን ምላሽ ከዚህ በታች ካሉት ሁለት ክፍሎች ያድምጡ።
