የደቡብ ሱዳን የሽግግር መንግስት ምስረታ በቀጣዮቹ ሁለት ሳምንታት ውስጥ ሊከናወን እንደሚችል ተገለጸ

የተባበሩት መንግሥታት የደቡብ ሱዳን የብሔራዊ አንድነት የሽግግር መንግስት ምስረታ በቀጣዮቹ ሁለት ሳምንታት ውስጥ ሊከናወን እንደሚችል የጋራ ቁጥጥር እና ግምገማ ኮሚሽኑ ሊቀመንበር ተናገሩ።

ሊቀመንበሩ የቀድሞ የቦትስዋና ፕሬዚደንት ፌስቱስ ሞጋዬ ለተባበሩት መንግሥታት የጸጥታ ምክር ቤት ተኩስ አቁም ስምምነት ላይ የተፈጸሙ ጥሰቶች ቢኖሩም በቅርብ ጊዜ የተከናወኑ ርምጃዎች የሽግግሩ መንግስት ምስረታ ሩቅ እንደማይሆን አመላክተዋል ብለዋል።

የደቡብ ሱዳን ካርታ

ሁለት መቶ ሰላሳ የሚሆኑ የተቃዋሚው የሱዳን ህዝብ ነጻ አውጭ ንቅናቄ ከፍተኛ መኮንኖች እና ወታደሮች ባለፈው ሳምንት ጁባ ገብተዋል። የተቀሩትን በሙሉ ወደጁባ የሚመልሱ በረራዎች መዘጋጀታቸውን ፌስቱስ ሞጋዬ ጨምረው ገልጸዋል።