ዋሽንግተን ዲሲ —
ማሊ ውስጥ ባለፈው ወር ቢያንስ 19 ሰዎች ከተገደሉበት የሽብር ጥቃት ጋር በተያያዘ ከአል-ቃዒዳ ጋር ንክኪ አላቸው የተባሉ ሁለት ሰዎች በቁጥጥር ስር መዋላቸውን ባለሥልጣት አስታወቁ።
የፖሊስ መግለጫ እንዳመለከተው ሰዎቹ በቁጥጥር ስር የዋሉት ባለፉት 48 ሰዓታት ሰሜናዊ ማሊ ውስጥ ሲሆን ይህም፣ ግራንድ ባሳም (Grand-Bassam) በተባለው የአይቮሪ-ኮስቱ መዝናኛ ስፍራ በሚገኙ ሦስት ሆቴሎች ውስጥ የደረሰው ጥቃት በተካሄደ በ3ኛው ወር መሆኑ ነው።
ለሽብርተኞቹ እንደ ሾፌር ሆኖ ወደ አይቮሪ-ኮስት ያመጣቸው ኦልድ መሐመድ (Ould Mohamed) የተባለው ከተጠርጣሪዎቹ አንደኛው ሲሆን፣ የጥቃቱ ዋነኛ አቀነባባሪ መሆኑንም፣ የፈረንሳይ ዜና አውታር ዘግቧል።
ሌሎች 15 ተጠርጣሪዎች በቁጥጥር ስር እንደሚገኙም፣ የአካባቢው ዐቃብያነ -ህግ አስታውቀዋል።
