ዋሽንግተን ዲሲ —
የአውሮፓ ህብረት ኮምሽን የሰብዓዊ ርዳታ አርማ
የአውሮፓ ህብረት በአዲሱ የአውሮፓውያን 2016 ዓ.ም. ለአፍሪካ ቀንድ ሀገሮች ሰብዓዊ ርዳታ የሚውል ሰባ ሰባት ሚሊዮን ዩሮ (€77 million) እንደሚሰጥ አስታወቀ።
ገንዘቡ በአብዛኛው በአጣዳፊ ችግር ላይ ላሉ ማኅበረሰቦች ለምግብ፣ ለጤና፣ ለውሃ፣ ለንጽህና፣ ለመጠለያ እና ለደህንነት ጥበቃና ለትምህርት የሚውል መሆኑ ተገልጿል ።
ይህ አዲስ የተመደበው ገንዘብ ህብረቱ ባለፈው 2015 ዓ.ም. መጨረሻ በታህሳስ ወር ከኤል ኒኞ የአየር ሁኔታ ክስተት በተያያዘ ለኢትዮጵያ፣ ኤርትራ፣ ጅቡቲ፣ ኬንያ፣ ሱዳን፣ ሶማሊያ እና ዩጋንዳ ከመደበው የሰባ ዘጠኝ ሚሊዮን ዩሮ (€79 million)ድጋፍ ተጨመሪ እንደሆነ ታውቋል።
ለአፍሪካ ቀንድ ግዙፍ ርዳታ ለጋሾች አንዱ የሆነው የአውሮፓ ህብረት እአአ ከ 2011 ዓ.ም.ወዲህ ከአንድ ቢሊዮን ዩሮ በላይ ለሰብዓዊ ርዳታ ለግሷል። የዜና ዘገባውን ለማዳመጥ የድምጽ ፋይሉን ይጫኑ።
