ዋሽንግተን ዲሲ —
መድሃኔ ተስፋማሪያም ኪዳነ
በመንገድ ላይ ያለቁትንና ባህር የበላቸውን ጨምሮ ከአቅማቸው በላይ በታጨቁ ጀልባዎች ላይ በላይ በላዩ እየጫነ በብዙ ሺህ የሚቆጠሩ ስደተኞችን ወደ ጣልያን በመላክና ሌሎች ወንጀሎችን በመፈፀም የሚፈለገው ግለሰብ መያዙን ይፋ ያደረጉ የፎቶግራፍና የቪዲዮ ምስሎች እንደወጡ ነው አወዛጋቢው ዜና የተከተለው።
"ይፈለጋል” የተባለው እርሱ አይደለም፤ ሲሉ ከካርቱም ላይ የተያዘው የ27 አመቱ ኤርትራዊ የመድሃኔ ተስፋማሪያም ኪዳነ የቤተሰብ አባላትና የቅርብ ጓደኞች ለመገናኛ ብዙሃን በሰጡት ቃል መሟገት የያዙት።
አማኑአል ዘይድ ይባላል። ተወልዶ ያደገው በአስመራ ከተማ ገዛማንዳ ጣልያን የሚባል ሰፈር ነው። በህገወጥ መንገድ ሰዎችን ያስተላልፋል በማለት ጣልያኖች ከያዙት ከመድሃኔ ተስፋማሪያም ጋር በአንድ ሰፈር ነው እንዳደጉና ሱዳን በስደት ላይም በአንድ ቤት ውስጥ ይኖሩ እንደነበር ይናገራል።
ሜሮን እስጢፋኖስ በአውሮፓ የስደተኞችን ጉዳይ በመከታተል ይታወቃሉ፡ ቀደም ሲል የሚፈለገው ሰው ፎቶ ግራፍ ወጥቶ እንደነበርና ኋላ ላይ የተያዘው ሰው ፎቶግራፍና በዜና ዘገባዎች እንደወጣ ነው አስደንጋጩን ስህተት የተረዳሁት፤ ይላሉ።
ከበታች ያለውን የድምፅ ምልክት በመጫን ያድምጡ።
