ዋሽንግተን ዲሲ —
እስላማዊው ጽንፈኛው ቡድን አይስል (ISIL) በማኅበራዊ መገናኛ ብዙሃንና በሌሎች የፕሮፖጋንዳ ማሰራጫዎቹ በሚያስተላልፋቸው መልዕክቶች አማካኝነት በብዙ ሺህ የሚገመቱ ተዋጊዎችን ይመለምላል።
የጉዳዩ አዋቂዎች እንደሚሉት ከሆነ የአሸባሪውን ቡድን የፕሮፖጋንዳ መልዕክቶች ለማምከን የሙስሊሙን ማኅበረሰብ ግዙፍና ዓይነተኛ ጥረት ይጠይቃል።
ሁሉም ለፍጹምነት የተቃረበ፤ ፍጹምነት የሰፈነበት እስላማዊ መንግስት ለመመሥረት ሙስሊሞች በሙሉ መሳተፍ አለባቸው፥ ይላል፤ ጽንፈኛው ቡድን አይስል (ISIL) በፍርሃት ቀስቃሽ ውዥንብርና ማስጠንቀቂያ በታጀበ ፕሮፖጋንዳው።
የዩናይትድ ስቴትሱ ፕሬዝዳንት ባራክ ኦባማ ከትላንት በስቲያ ረቡዕ ለሙስሊም አሜሪካውያን ማኅበረሰብ ባደረጉት ንግግራቸው፤ በእንግሊዝኛው ምሕጻረ-ቃል አይስል (ISIL) እና ISIS በሚሉ መጠሪያዎች የሚታወቀው አሸባሪ ቡድን ስለሚያሰራጨው የሃሰት መረጃ አደገኛነት አሳስበዋል።
የዘገባውን ዝርዝር ከዚህ ያድምጡ፤
