ዋሺንግተን ዲ.ሲ. —
የዩናይትድ ስቴትስ ፕሬዚዳንት ባራክ ኦባማ የሥልጣን ዘመናቸው ከማብቃቱ በፊት ለኢትዮጵያ ጉዳይ ትኩረት እንዲሰጡ አንድ ኢትዮጵያዊ የፖለቲካ ሣይንስ ምሁር አሳስበዋል፡፡
በሞርጋን የመንግሥት ዩኒቨርሲቲ የፖለቲካ ሣይንስ ክፍሉ ኃላፊና ፕሮፌሰር የሆኑት ዶ/ር ጌታቸው መታፈሪያ ሰሞኑን ለአሜሪካው ፕሬዚዳንት ባራክ ኦባማ ይድረስ ባሉት ደብዳቤ የኢትዮጵያን ጉዳይ ይናገራል ያሉትን ባለሰባት ነጥብ መልዕክት አስተላልፈዋል፡፡
ዶ/ር ጌታቸው በሰባት ነጥቦች ላቀረቧቸው ክሦች እንደ ፖለቲካ ሣይንስ ምሁርና ተመራማሪም ማስረጃዎችን ማቅረብ እንደሚችሉ፤ የአሜሪካ መንግሥትም ሆነ ዓለምአቀፍ የመብቶች ተሟጋቾች በየወቅቱ በሚያወጧቸው ሪፖርቶች ይህንን እንደሚያረጋግጡ ተናግረዋል፡፡
ዶ/ር ጌታቸው መታፈሪያ “ኢትዮጵያና አሜሪካ - ታሪክ፣ ዲፕሎማሲና ትንተና” የሚል መፅሐፍ አሣተመው አውጥተዋል፡፡
የተያያዘውን የድምፅ ፋይል ያዳምጡ፡፡
