ሁለቱ ዕጩዎች በዚህ የምርጫ ዘመን እንዲያካሂዱ ተይዞላቸው በነበረ መርኃግብር መሠረት ሦስት እሰጥ አገባዎቻቸውን አጠናቅቀዋል፡፡
በምዕራቡ ንፍቀ ክበብ ጊዜ ትናንት ምሽት፤ በምሥራቁ ሰዓት ደግሞ ዛሬ ማለዳ ላይ የተካሄደው ክርክር እጅግ የተሟሟቀ ነበር፡፡
የኔቫዳዋ ላስ ቬጋስ እንዲሁም የቀለጠው መንደር፤ እንዲሁም የኃጥዓን ምድር እየተባለች ነው የምትጠራው፡፡
የትናንት ምሽቷ ላስ ቬጋስ ግን ግለቷ የተለየ ነበር፡፡
የወትሮው የቁማር ግርግር አልነበረም ሰንጎ የያዛት፤ የወትሮ ንግዷና የብሯ ጋጋታ አልነበረም የሰዉን ቀልብ ሰቅዞ ያመሸው፡፡
ባለፉ ሁለት ተከታታይ እሰጥ አገባዎች በተቀናቃኛቸው ሂላሪ ክሊንበን በሰፋ ልዩነት መሸነፋቸው የተነገረው ዶናልድ ትራምፕ ያለጥርጥር ማሸነፍ ይጠበቅባቸው ነበር፡፡
በመርኃ ግብሩ ከተያዘው ከዘጠና ደቂቃዎች ጥቂት ዘልቆ በሄደው የበረታ ትንቅንቅ፣ የቃላት፣ የክሥ፣ የራስ ውጤት ማስመዝገቢያ እንካሠላንቲያ ሁለቱም ዕጩዎች አዳዲስ ድምፆችን ለመሸመት ጥረዋል፡፡
የአሜሪካ ድምፅ በፌስቡክ ቀጥታ ሥርጭት የንትርኩን ሂደት ሲከታተልና ለተመልካችና ለአድማጭ ሲያቀርብ ነበር፡፡
በአማርኛው የፌስ ቡክ ቀጥታ ሥርጭት ላይም ሁለት የኢትዮጵያ ግዩራን የሆኑ አሜሪካዊያን ምሁራን ቀርበው ትንታኔ ሰጥተዋል፡፡
ዝርዝሩን ከተያያዘው የድምፅ ፋይል ያዳምጡ፡፡
በፌስቡክ ላይቨ የተላለፈውን የምሁራኑን ትንታኔ ማዳመጥ ከፈለጉ ከታች የተያያዙትን ማገናኛዎች ተጭነው ይከተሉ፡፡
