ዋሺንግተን ዲሲ —
በቀድሞ ታሣሪዎችና የየመን ባለሥልጣናት መግለጫ መሠረት የተባበረው የአረብ ራቢጣ ተጠርጣሪ አሸባሪዎችን ከየመን ወደ አሰብ ኤርትራ ድብቅ እሥር ቤት አዛውራለች።
በቀይ ባህር ጠረፍ ላይ የሚገኘው ሚስጥራዊ እሥር ቤት ሰቆቃና ግፍ በብዛት ይፈጸምባቸዋል ከሚባሉ በአካባቢው ከተቋቋሙ በርካታ የእሥር ቤቶች መረብ አንደኛው መሆኑን አሶሼትድ ፕሬስ የዜና ወኪልና ሂዩማን ራይትስ ዋች ያካሄዱት ምርመራ አጋልጧል።
በሂዩማን ራየትስ ዋች ጥናቱን ያደረጉት ክርስቲን ቤከርሊ እንዳስረዱት የተባበረው የአረብ ራቢጣና የየመን ሸሪኮቹ ታሣሪዎቹን የሚመለከቷቸው በየመን የአልቃይዳ አሸባሪዎችን እየተዋጋች ያለችውን የአረብ ራቢጣ ጥረቶች ለማክሸፍ እንደሚንቀሳቀሱ ከባድ የሽብር ወንጀለኞች አድርገው ነው።
የሂዩማን ራይትስ ዋች ተመራማሪዎች በስድስት ወራት ጊዜ ውስጥ በእሥረኞች ላይ የሚፈፀመውን የመብት ጥሰት ለመመዝገብ የመንን ጎብኝተዋል።
የተያያዘውን የድምፅ ፋይል ያዳምጡ፡፡
የፌስቡክ አስተያየት መስጫ