ናይሮቢ —
ዛሬ ረፋድ በሞያሌ ተከስቶ በነበረዉ አለመረጋጋት 3 ሰዎች ሞተዉ ከ 50 በላይ የሚሆኑት ከባድ ና ቀላል የመቁሰል አደጋ እንደደረባቸዉ ነዋሪዎች ለአሜርካ ድምፅ ተናግረዋል። ግጭቱ የተከሰተዉ በሞያሌ 02 ቀበሌ መናኸርያ በሚባል ቦታ ሲሆን አንድ የእጅ ቦምብ መወርወሩንና ሽጉጥ መተኮሱን ነዋሪዎች ይናገራሉ።
የሞያሌ ሆስፒታል ጠቅላላ ሕክምና ዶ/ር ንጉሴ አዱኛ በሆስፒታላቸው ለመታከም ከመጡ ሰዎች የ1 ሰዉ ሕይወት ወዲያዉ ማለፉን ተናግረዋል። የሞያሌ 02 ቀበሌ አስተዳደር አቶ ኩሉ ገልገሎ ሦስት ሰዎች መሞታቸውን አረጋግጠው፣ ድርጊቱን የፈፀሙ ሰዎች ግን በህግ ቁጥጥር ሥር አለመዋላቸዉን ለአሜርካ ድምፅ ተናግረዋል።
ለተጨማሪ የተያያዘውን የድምፅ ፋይል ያዳምጡ።
የፌስቡክ አስተያየት መስጫ