ዋሺንግተን ዲሲ —
ኧርማ ተብሎ የተሰየመው ዝናብ የቀላቀለ እጅግ ኃይለኛ የውቅያኖስ ማዕበል ዛሬ፤ ሰኞ ረገብ ብሎ ሰሜን ፍሎሪዳና ደቡባዊ ጆርጅያን እያዳረሰ ነው።
ምንም እንኳ ኧርማ ቀለል ባለ ማዕበልነት ቢፈረጅም የአደገኛነቱ ሥጋት ግን አሁንም እጅግ የበረታ ነው።
ማዕበሉ አሁንም የደቡባዊ ምሥራቅ የባሕር ጠረፍ አካባቢዎችን በብርቱ ሊጎዳና ወደቦችን ሊያወድም የሚችል ኃይል እንዳለው የሃገሪቱ የዩናይትድ ስቴትስ የኸሪከን ማዕከል አስታውቋል።
ማዕከሉ በተጨማሪም ኧርማ አውሎ ነፊስ በሰሜን ምሥራቅ ፍሎሪዳ፣ ደቡባዊ ምሥራቅ ጆርጅያና ደቡብ ካሮላይና ውስጥ ከባድ ማዕበልና ጎርፍ ሊያስከትል እንደሚችል አሳስቧል።
በማዕበሉ አካባቢ ካሉ ኢትዮጵያዊያን አንዱ ከቪኦኤ ጋር ቃለ ምልልስ አድርገዋል።
ለተጨማሪ የተያያዘውን የድምፅ ፋይል ያዳምጡ።
የፌስቡክ አስተያየት መስጫ