ዋሽንግተን ዲሲ —
ካለፈው እሁድ ጀምሮ በደቡብ ክልል በኦሞ ዞን የሚገኙ አራት ኢትዮጵያዊያን እርስ በርስ ፣ እግር ለእግርና አንገት ለአንገት በቃጫ ገመድ ታሥረውና እንግልት ደርሶባቸው የሚያሳዩ ፎቶግራፎች በማኅበራዊ ሚድያ ተሰራጭቷል፡፡ ፎቶ ግራፎቹ በማኅበራዊ ሚድያ ላይ ከወጡ በኋላ የታሣሪዎቹ ማንነት አጨቃጭቂ ድርጊቱም በበርካቶች ዘንድ አሳዛኝ ኾኖ ሰንብቷል፡፡
አንድ የሱርማ ነዋሪ ፤ ያስቸገረን ወንጀለኛን በገመድ አስሮ መያዝ በሱርማ የተለመደ እንደኾነ ይናገራሉ፡፡ የደቡብ ክልል ፖሊስ ኮሚሽነር አቶ ፍሰኃ ጋረደው በበኩላቸው ኮሚቴ አቋቁመው ሁኔታውን እያጣሩ እንደኾነ ተናግረዋል፡፡ ጉዳዩን በተመለከተ የደቡብ ክልል ፖሊስ ኮሚሽነር አቶ ፍስሃ ጋረደውን ጽዮን ግርማ አነጋግራ ተከታዩንዘግባለች፡፡
ዝርዝሩን ከተያያዘው ድምጽ ያድምጡ፡፡
