ዋሺንግተን ዲሲ —
“የት ነው ያለነው? .. እረ ለመሆኑ ወደ የት እያመራን ይሆን?” በሚል ጥያቄ የሚንደረደረው የሳምንቱ የአገር ጉዳይ ውይይት እንደ ቀደሙት ሁሉ በዚያች አገር ነገ ሁነኛ መንገዶችና አቅጣጫዎች ዙሪያ ሊነጋገር ሁለት እንግዶች ጋብዟል።
አዎን! “የአገር ጉዳይ” ዛሬም ዘለቄታ ባላቸውና የሁላችንም በሚሆኑ ግቦች ዙሪያ ያተኩራል። የአንድ አገርና ሕዝብ ፈተናዎች፥ የመውጫ መንገዶችና ተሥፋ።
መንታ መንገድ ላይ ያለች በምትመስለው ሃገር ሰሞንኛ ይዞታዎች ዙሪያ የሚያጠነጥነው የሃሳብ ጉዞ ትላንትናና ዛሬያችንን ቃኘት ለማድረግ እናም ነገአችን የሚያጠላውን ደመና ለመግፈፍ የሚግዙ አወያይ ጭብጦችን ለመፈንጠቅ የታለመ ነው።
ከዓመት በፊት ገና ይህን ልዩ ፕሮግራም “ሀ” ብለን ስንጀምር ባስተዋወቅንበት መንፈስ በእነኚህ “ያሳስባሉ” እና “ያነጋግራሉ” በተባሉ “የአገር ጉዳይ” ሃሳቦች ዙሪያ እናንተ አድማጮቻችንም በያላችሁበት እርስ-በእርስ ትወያዩና “ይበጃል” የምትሉትንም ታደርሱን ዘንድ በአክብሮት ተጋብዛችኋል። ተወያዮች አቶ ያሬድ ጥበቡ እና ፕሮፌሰር ዳንኤል ተፈራ ናቸው።
የውይይቱን ቀዳሚ ክፍል እነሆ!
የፌስቡክ አስተያየት መስጫ