ዋሽንግተን ዲሲ —
ህጻናት አትክልት እየተከሉ /ፋይል ፎቶ - ከትሪስ ፎር ዘ ፉውቸር የተባለ ድርጅት የፍሊከር አካውንት የተገኘ ፎቶ/
በተደጋጋሚ በኢትዮጵያ የሚከሰተውን የውሃ እጥረት በተያያዥነትም ረሃብና ድርቅ እንዴት ለመቋቋም እንደሚቻል የተለያዩ የውሃ አጠቃቀም ዘዴዎች ሲተገበሩ ቆይተዋል። የውሃ እጥረት ችግርን በኢትዮጵያ ለመቅረፍ ከዝናብ የምናገኘውን ውሃ በበቂ ሁኔታ እየተንከባከብን የሚዘንበውንም ዝናብ አቁረን በመያዝ ወንዞችና ምንጮች እንዲጎለብቱ በማድረግ ችግሩን ለመቀነስ እንዲሁ ለማስቀረት እንችላለን ስትል በመቀሌ ዩኒቨርስቲ ረዳት ፕሮፌሰር፣ እንዲሁም የደንና የምግብ ሳይንስ ባለሙያ ሳራ ተወልደ ብርሃን አስተያየቷን ሰጥታናለች። በአለም አቀፉ የአየርንብረት መዛባትና በኢትዮጵያ እየተከሰት ስላለው የውሃ እጥረት ዙሪያም ችግሩን ለመቅረፍ ምን መደረግ እንዳለበት በአጭሩ አስረድታለች።
በአለም እየተከሰተ ስላለው አየር ንብረት ለውጥ ኢትዮጵያ የበኩሏን አስተዋፆ ለማድረግ ዛፎችን በመትከልና የነበሩትን በመንከባከብ ለአየር ንብረት ደህንነት መንቀሳቀስ መጀመር ይቻላል።
እያንዳንዱ የኢትዮጵያ ግለሰብ አሁን እየተከሰተ ያለውን የውሃ እጥረት እንዲሁም የአየር ንብረት ለውጥን ለመቀነስ ምን ቢያደርግ የተሻለ ነው ለሚለው ጥያቄ ሙያዊ አስተያየቷን ሳራ ተወልደብርሃን አካፍላናለች።
ከመስታወት አራጋው ጋር ያደረገችውን አጭር ቆይታ ከበታች ያለውን የድምፅ ምልክት በመጫን ያዳምጡ።
