ዋሺንግተን ዲሲ —
በኢትዮያ በተለያዩ አካባቢዎች በንጹሃን ዜጎች ላይ የሚፈጸሙ ጥቃቶች፡ በአንድ አገር ህዝብ አብሮ የመኖር ዕጣ ላይ የተደቀነ ፈተና፡ መንስኤዎቹ እና ወደፊት የሚያራምዱ መንገዶች፤ ክርክሩ ትኩረት ከሚያደርግባቸው ጭብጦች ውስጥ ናቸው።
የክርክሩ ተሳታፊዎች በኢትዮጵያ ፖለቲካዊ ጉዳዮች በመጻፍ እና እንዲሁም በተለያዩ የአፍሪቃ ቀንድ ጉዳዮች ትንታኔ በማቅረብ የሚታወቁት በሰሜን ምስራቅ ኢንግላንድ ከኒውካስል ከተማ ወጣ ብሎ የሚገኘው የኪሊ ዩኒቨርሲቲ ከፍተኛ የህግ መምህርና ጸሃፊው ዶ/ር አወል ቃሲም አሎ እና በሰሜን ምሥራቅ ዩናይትድ ስቴሷ የማሳቹሴትስ ክፍለ ግዛት ጠበቃ መቅጠር ለማይችሉ ተከሳሾች የሕግ ጠበቃ የሚያቆመው ፐብሊክ ዲፌንደር የተባለው ድርጅት ምክትል ሊቀ መንበር አቶ ደረጀ ደምሴ ቡልቶ ናቸው።
በቦስተን ከተማ በጥብቅና ሞያ የሚተዳደሩት አቶ ደረጀ ካሁን ቀደም በግዛቲቱ የተከላካይ ጠበቆች ማሕበር ፕሬዝዳንት እና ለዜጎች የነጻነት መብት የቆመው ማሕበር ሲቪል ሊበሪቲ ዩኒየን የማሳቹሴትስ ግዛት ምክትል ፕሬዝዳንት በመሆንም አገልግለዋል።
የክርክሩን ተከታታይ ክፍሎች ከዚህ ያድምጡ።
