በቀላሉ የመሥሪያ ማገናኛዎች

ኢትዮጵያዊው የፎቶ ጋዜጠኛ ዓመቱ ምርጥ ፕሬስ ፎቶ አሸናፊ ሆነ


Uma familiar de uma vítima da queda do avião da Ethiopia Airlines chora a sua perda

በኢትዮጵያ የአሶሼትድ ፕሬስ የፎቶ ባለሞያ የሆነው ኢትዮጵያዊው የፎቶ ጋዜጠኛ ሙሉጌታ አየነ እጩ ከሆነባቸው ሦስት ዓለም አቀፍ ሽልማቶች ውስጥ በዋና ዜና ታሪክ ስብስብ አሸናፊ ሆነ። የፎቶ ባለሞያው ያሸነፈበት ስራው ቢሾፍቱ አቅራቢያ በወደቀው ቦይንግ 737 ማክስ 8 አይሮፕላን አደጋ የሞቱ ቤተሰቦቻቸውን አስክሬን ባለማግኘታቸው አውሮፕላኑ የወደቀበት ቦታ ሄደው ፊታቸው ላይ አፈር እየበተኑ ሲያለቅሱ በሚያሳይ አሳዘኝ ፎቶ ነው።

ላለፉት 8 አመታት በፎቶ ጋዜጠኝነት ሙያ ያገለገለው ሙሉጌታ አየነ ለዘንድሮው የዓለም አቀፍ ሽልማት የዓመቱ ፎቶ፣ የአመቱ የፎቶ ታሪክ እና የዋና ዜና ታሪክ ምድቦች ታጭቶ የነበረ ሲሆን፣ ከነዚህም ውስጥ በዋና ዜና ታሪክ ስብስብ ዘርፍ አሸናፊ ሆኗል። አሸናፊ የሆነበት ፎቶ አለም አቀፉ የዜና ወኪል ።። ውኪል የሆነላቸው በመላው አለም የሚገኙ ታላላቅ የመገናኛ ብዙሀን ተቇማት በፊት ገፆቻቸው ላይ ተጠቅመውታል። በወቅቱም በማህበራዊ ሚዲያ ላይ በከፍተኛ ቁጥር የተጋራ ፎቶ ነበረ። ሙሉጌታ ሽልማቱን በማግኘቱ የተሰማውን ለቪኦኤ ሲገልፅ፣

“በማሸነፌ በጣም ነው ደስ ያለኝ። ይሄ ድል የኔ ብቻ አይደለም። የመላው አፍሪካዊ ወጣት ፎቶ አንሺዎች በፎቶ ጋዜጠኝነት ላይ መስራት እንዳለባቸው ይሰማኛል። አፍሪካውያን የራሳችንን፣ አገራችን ላይ የሚፈጠረውን ነገር በራሳችን አለም ላይ ማሳየት ይኖርብናል። ወጣት የአፍሪካ ፎቶ አንሺዎችንም የሚያነሳሳ ነው ብዬ ነው የማስበው።”

ሙሉጌታ ያሸነፈበት የዛሬ አመት ቢሾፍቱ አቅራቢያ በወደቀው ቦይንግ 737 ማክስ 8 አይሮፕላን አደጋ ለሞቱ ቤተሰቦቻቸው ፊታቸው ላይ አፈር እየበተኑ ሲያለቅሱ የሚያሳየው ፎቶ
ሙሉጌታ ያሸነፈበት የዛሬ አመት ቢሾፍቱ አቅራቢያ በወደቀው ቦይንግ 737 ማክስ 8 አይሮፕላን አደጋ ለሞቱ ቤተሰቦቻቸው ፊታቸው ላይ አፈር እየበተኑ ሲያለቅሱ የሚያሳየው ፎቶ

ሙሉጌታ ያሸነፈበት የዛሬ አመት ቢሾፍቱ አቅራቢያ በወደቀው ቦይንግ 737 ማክስ 8 አይሮፕላን አደጋ ለሞቱ ቤተሰቦቻቸው ፊታቸው ላይ አፈር እየበተኑ ሲያለቅሱ የሚያሳየው ፎቶ እጅግ ስሜቱን የነካው ፎቶ እንደሆነ ይናግራል።

APTOPIX Ethiopia Plane Crash
APTOPIX Ethiopia Plane Crash

ለኔ እጅግ በጣም ስሜቴን የነካኝ ስራ ነው ምክንያቱም እጅግ በጣም ነው የሚያሳዝነው። ቤተሰቦቻቸውን፣ ልጃቸውን፣ ሚስታቸውን፣ ጏደኞቻቸውን ያጡ ቤተሰቦች መጥተው ሀዘናቸውን ሲገልፁ የሚያሳዩ ፎቶዎች ናቸው። እጅግ ልብ የሚነካና ጭንቀት ውስጥ ከቶኝ የነበረ ስራ ነው። በጠቅላላ የነበረው ነገር ስሜታዊ የሚያድርግ ነበር። በዛ ፎቶ ነው ማሸነፍ የቻልኩት። "

አደጋው በደረሰበት ወቅት ለሰባት በተከታታይ ቀን አደጋው የደረሰበት ቦታ ለሊት በመሄድ ቀኑን ሙሉ ያሳልፍ እንደነበር ገልፆ ፎቶውን ለውድድር ብሎ ባያነሳውም ፎቶው በአለም አቀፍ ውድድር ላይ ማሸነፍ መቻሉ ግን እንዳስደሰተው ይገልፃል። ያገኘው ሽልማት የውድድር ሁሉ ቁንጮ ነው የሚለው ሙሉጌታ ሌሎች በሙያው ያሉ የፎቶ ጋዜጠኞችንና ወደሙያው መምጣት የሚፈልጉ ወጣቶችን ያበረታታል ብሎ ያምናል።

(በድምፅ ለመስማት የተያያዘውን ፋይል ይክፈቱ)

ኢትዮጵያዊው የፎቶ ጋዜጠኛ ሙሉጌታ አየነ የአመቱ ምርጥ ፕሬስ ፎቶ አሸናፊ ሆነ
please wait

No media source currently available

0:00 0:03:24 0:00


አስተያየቶችን ይዩ (1)

XS
SM
MD
LG