በዩናይትድ ስቴትስ ዋሺንግተን ግዛት ኪንግ ካውንቲ፤ የፌደራል ዌይ ከተማን ከጎርጎርሳዊያኑ 2014 አንስቶ በምክር ቤት አባልነት በማገልገል ላይ የሚገኙት ወ/ሮ ሊዲያ አሰፋ ዳውሰን ከሰሞኑ ሲያደርጉት የነበረውን የምረጡኝ ቅስቀሳቸውን በአሸናፊነት አጠናቀዋል፡፡
የሦስት ወንድ ልጆች እናት የሆኑት ወ/ሮ ሊዲያ ልጆቻቸው እራሳቸውን እስኪችሉ ጥብቀው ወደ አስተዳደር ስራ ፊታቸውን ማዞራቸውን ይገልጻሉ፡፡ አካልጉዳት፣ ሴትነት እና ስደተኝነት ሳይበግራቸውም ለሦስተኛ ዙር ተወዳድረው በአሸናፊነት ቀጣይ የስራ ዘመናቸውን ጀምረዋል።
ትውልደ ኢትዮጵያዊቷ ወ/ሮ ሊዲያ በዋናነትም ስደተኛው ማኅበረሰብ ውክልና እንዲኖረው በዩናይትድ ስቴትስ ውሳኔ ሰጭነት ላይ የይገባኛል ስሜት በማዳበር እንዲሳተፍ ይመክራሉ፡፡