ዋሽንግተን ዲሲ —
ኢማነ መርጋ እና በላይነሽ ኦልጂራ በስፔን ዓለምአቀፍ አገር አቋራጭ፥ አፀደ ባይሣና አማኔ ጎበና በጃፓንና ቱርክ ማራቶኖች አሸንፈዋል። ኢማነ መርጋ በዚህ ውድድር ሲያሸንፍ ትላንት በተከታታይ ለአምስተኛ ጊዜ መሆኑ ተደናቂ አድርጎታል።
በእግር ኳስ - የአፍሪካ ብሄራዊ ቲሞች ለ 2018ቱ የዓለም ዋንጫ ለማለፍ የሚያደርጉት የማጣሪያ ውድድር በሣምንቱ ማብቂያ ቀናትም ቀጥሏል። ቅዳሜ እለት አዲስ አበባ ላይ የኮንጎ ብራዛቪል ቡድን የኢትዮጵያ ዋሊያዎችን 4 ለ 3 አሸንፎ ተመልሷል።
እሥራኤል ዘጠኝ ሺህ ለሚሆኑ የኢትዮጵያ አይሁዶች የመግቢያ ፈቃድ እንዲሰጥ ወሰነች። የኢትዮጵያ አይሁዶች፥ ”ፈላሻ” “ፈላሽ ሙራ” እና ”ቤተ-እሥራኤላውያን” በመባልም ይታወቃሉ። ዘገባውን ከተያያዘው የድምጽ ፋይል ያዳምጡ።
