አዲስ አበባ —
የህወሓት ታጣቂዎች በገቡባቸው የአማራ ክልል አካባቢዎች ሁሉ የዕርዳታ መጋዘኖችን መዝረፋቸውን ዩኤስኤአይዲ አስታወቀ።
በኢትዮጵያ የዩኤስኤአይዲ ተልዕኮ ዳይሬክተር ሾን ጆንስ ከኢትዮጵያ ብሔራዊ ቴሌቪዥን ጋር ባደረጉት ቆይታ ህወሓቶች በአማራ ክልል ውስጥ በገቡበት ከተማ ሁሉ መጋዘኖችን፣ የጭነት መኪናዎችን ዘርፈዋል፣ በደረሱባቸው መንደሮች ሁሉ ከፍተኛ ውድመት አስከትለዋል ብለዋል፡፡
ሾን ጆንስ በህወሓት ላይ ያቀረቡትን ይህን ክስ የህወሓት ቃል አቀባይ ጌታቸው ረዳ አጣጥለዋል፡፡ አቶ ጌታቸው ከሰዓታት በፊት በትዊተር ገፃቸው ባሰፈሩት ጽሑፍ ከመስመር ውጭ ስለሚሆኑ ተዋጊዎች ስለእያንዳንዱ ተቀባይነት የሌላው ባህሪ ማረጋገጥ ባንችልም፣ እንዲህ ዓይነቱ ዝርፊያ በዋነኝነት በአካባቢው ግለሰቦች እና ቡድኖች የተቀነባበረ መሆኑን የሚያሳይ ማስረጃ አለን ያሉ ሲሆን ጉዳዩን በገለልተኛ ምርመራ እንደሚያጣሩትም ገልጸዋል፡፡
ዝርዝሩን ከተያያዘው የድምጽ ፋይል ያድምጡ፡፡
