የሩሲያ ጦር ዛሬም የዩክሬንን ከተሞችን ደበደቡ፣ የሰብዓዊ መተላለፊያ ኮሪደሮች እንከፍታለን አሉ

የሩስያ ኃይሎች በዛሬው ዕለት ደቡባዊ እና ሰሜናዊ የዩክሬይን ከተሞችን በቦምብ መደብደባቸው ተገለጠ። በኃይል ወደ ኪየቭ ለመግባት ሳያቅዱ እንዳልቀሩም የዩክሬይን ወታደራዊ ባለሥልጣናት እየተናገሩ ነው።

የዩክሬን የጦር ኃይሎች ጠቅላይ ኢታማዦር ሹም ሲናገሩ የሩስያ ኃይሎች ትኩረት ኪየቭን፣ ካርኬቭን፣ ቼርኒሂቭን፣ ሱሚን እና ሚኮላይቭን መክበብ ነው።

ይህ በእንዲህ እንዳለ በዛሬው ሰኞ የወጣ አንድ መግለጫ ሩሲያ ሲቪሎች ላይ የአየር ድብደባ በመፈጸም እና በያዘቻቸው አካባቢዎች ሰብዓዊ ቀውስ በመፍጠር ዓለም አቀፍ የሰብአዊ ህጎች ጥሳለች ሲል ከሷል።