መቀሌ —
በሰሜን ኢትዮጵያ በተለይ ትግራይ ክልል ውስጥ ያለው ሰብዓዊ ሁኔታ እየተባባሰ መሆኑን የተባበሩት መንግሥታት ድርጅት አስታውቋል።
የተባበሩት መንግሥታት ድርጅት የሰብዓዊ ጉዳዮች ማስተባበሪያ ቢሮ የኢትዮጵያ ተጠባባቂ አስተባባሪ ግራንት ሊየቲ ትናንት በሰጡት መግለጫ ትግራይ የነበረው የእርዳታ ምግብ ክምችት ባለፈው ነሐሴ 14/2013 ዓ.ም ማለቁን አመልክተዋል።
“ለችግሩ መፈጠር ምክንያት የሆነው ሰብዓዊ አቅርቦቶችን ለማሳለፍ የሚወስደው ረጅም ጊዜ ነው” የሚሉት ሊየቲ የኢትዮጵያ መንግሥት ያልተገደበ ተደራሽነትን እንዲፈቅድ ጠይቀዋል።
ለችግሩ ህወሓትን ተጠያቂ የሚያደርገው የኢትዮጵያ መንግሥት ወቀሳውን አይቀበልም።
ዝርዝሩን ከተያያዘው የድምጽ ፋይል ያድምጡ፡፡
