ዩክሬን በአስቸኳይ የተኩስ አቁም እንዲካሄድና የሩሲያ ኃይሎች በሙሉ ከዩክሬን እንዲወጡ ዛሬ ከሩሲያ ጋር ለመደራደር የሄዱ መልዕከተኞቿ ጠይቀዋል፡፡
በዩክሬንና በሩሲያ መካከል የሚደረገው ድርድር በዩክሬንና ቤላሩስ ድንበር አቅራቢያ እየተካሄደ ሲሆን የዩክሬን ፕሬዚዳንት ቮሎዲሚር ዘለነስኪም የሩሲያ ወታደሮች ትጥቃቸውን እንዲያወርዱ ጠይቀዋል፡፡
ፕሬዚዳንት ዘለነስኪ አውሮፓ አገራቸውን በአስቸኳይ የአውሮፓ ህብረት አባል አድርገው እንዲቀበላትም አሳስበዋል፡፡
ዘለነስኪ ለአውሮፓ ህብረት ባስተላለፉት የቪዲዮ መልዕክታቸው “የኛ ግብ ከሁሉም አውሮፓውያን ጋር አብረን ለመሆን ከሁሉም በላይ ደግሞ ሁላችንም በእኩል ዐይን እንድታይ ያስፈልጋል፣ እርግጠኛ ይህ ፍትሃዊ ነው ደግሞም ይቻላል ብለዋል፡፡”
የኔቶዋና ጸሀፊ ጄን ስቶልትነበርግ ከዩክሬኑ መሪ ጋር በስልክ የተነጋገሩ ሲሆን የዩክሬን ህዝብና የዩክሬን ኃይሎች ስለአሳዩት ጀግንነትና ተጋድሎ አድናቆታቸውን ገልጸዋል፡፡
ዋናጸሀፊው በአስተላለፉት የትዊት መልዕክትም “የኔቶ አጋሮች ለዩክሬን የሚሰጡትን የአየር መከላከያ ሚሳዬሎች፣ የጸረ ታንክ መሳሪያች እና እንዲሁም የገንዘብና የሰብአዊ እርዳታዎችን አጠናክረው በመለገስ ላይ ይገኛሉ” ብለዋል፡፡
