ዋሺንግተን ዲሲ —
ከሰባት ዓመታት በፊት ናይሮቢ በሚገኝ የገበያ ማዕከል ቢያንስ 67 የሚሆኑ ሰዎችን የገደሉትን እስላማዊ አማጽያን ረድተዋል በሚል ክስ ሁለት ሰዎች ጥፋተኛ ሆነው መገኘታቸውን አንድ የኬንያ ፍርድ ቤት በይኗል።
ሞሐመድ አሕመድ አብዲና ሑሴን ሐሰን ሙስጠፋ የተባሉት ሰዎች አሸባሪ ተግባር ለመፈጸም በማሴር ወንጀል ጥፋተኛ ሆነው ተገኝተዋል። አንድ ሦስተኛ ሰው ግን በነፃ ተለቋል ተብሏል። ከሰባት ዓመታት በፊት መስከረም ወር ላይ ዌስት ጌት በተባለው የገበያ ማዕከል ላይ ለተፈፀመው ጥቃት፣ ተጠርጣሪዎች ለፍርድ ሲቀርቡ ለመጀመሪያ ጊዜ ነው። ጥቃቱን የፈፀሙት የሶማሊይ ጽንፈኛ ቡድን አል ሸባብ አባላት መሆናቸው ተገልጿል።
