ባለፉት ሃያ አምስት ዓመታት ውስጥ በተጫወታቸው ቁጥራቸው የበዛ ሥራዎቹ እና ላቅ ያለ አድናቆት ባተረፈለት አጨዋወቱ በኢትዮጵያ የቴአትር እና የሲኒማ መድረክ ይበልጥ ከሚታወቁ ምርጥ ተዋናዮች አንዱ ለመሆን በቅቷል። በዚህም በርካታ ሽልማቶችን ተቀብሏል፤ ዕውቁ ተዋናይ ዓለማየሁ ታደሰ።
በተከታታዩ የቴሌቭዥን ድራማ በሚጫወተው የመሪ ተዋናይ ገጸ ባህሪ ስም የሚጠራው እና በአሁኑ ወቅት በሃገር ውስጥና በውጭ ሃገራት ባሉ ተመልካቾች በዩቲዩብ በስፋት በመታየት ላይ ያለው ‘በስንቱ’ ከአዲስ የኪናዊ ሥራው አድናቂ ተመልካቾች ጋር አስተዋውቆታል። ስለ ‘በስንቱ’ እና በአሁኑ ወቅት በዩቱብ በመታየት ላይ ስላለው አጋፋሪ ስለተሰኘው ሌላ ድራማው፣ ስለ ተውኔት፣ ስለ ሲኒማ እና ስለሞያዊ ህይወቱ፣ እንዲሁም በህይወቱ የሚከተለውን የኑሮ ፍልስፍና እና ትርጓሜ ያጫውተናል።
በዩናይትድ ስቴትስ ቆይታው በተለይ ከሞያው ጋር በተዛመደ የማየት እድል ከገጠሙት መድረኮችም አንዳንዱን እናነሳሳለን። ሁሉንም በአሜሪካ ድምጽ ስቱዲዮ ከአሉላ ከበደ ጋር ካደረገው ዘለግ ያለ ውይይት ተከታታሉ።
ክፍል ሁለት:- የተዋናዩ ‘የሩቅ መድረክ’ ዕይታዎች እና ሌሎች የተውኔት ወጎች
መድረክ / ፎረም