በደቡብ ሱዳን የተደረሰው የሰላም ሥምምነት ፈተናዎች

የደቡብ ሱዳን ፕሬዚዳንት ትላንት ጁባ ውስጥ ለተሰበሰቡ በመቶዎች ለተቆጠሩ የደቡብ ሱዳን ሕዝብ ዓርነት እንቅስቃሴ የ/ኤስፒኤልኤም/ ካድሬዎች ሲናገሩ፣

“በመከረም ወር የተደረሰው ሥምምነት ጥሩ አልነበረም የፈረምኩት ግን የሕዝብ ስቃይ እንዲቀጥል ባለመፈለጌ ነው” ብለዋል።

ፕሬዚዳንት ኪር ቀደም ሲል ከገዢው ፓርቲ ሕግ አርቃቂዎች ጋር ተገናኝተው፣ የተደረሰውን ሥምምነት ተግባራዊ ለማድረግ መንግሥት በቂ ገንዘብ የለውም ብለዋል።

/TROIKA/ በመባል የሚጠራው - ዩናይትድ ስቴትስ፣ ኖርዌይና ብሪታንያ የሚገኙበት ቡድን - ሥምምነቱን ተግባራዊ ለማድረግ መንግሥት የራሡን የኃብት ምንጭ እንዲጠቀምና ሂደቱ እንዲቀጥል የፖለቲካ ፍላጎቱ ካለው እንዲያሳይ በተደጋጋሚ መክሯል።