"ሩስያ የዩናይትድ ስቴትስን የፖለቲካ መድረክ ማተራመስ ተሳክቶላታል"- ፕሬዚዳንት ትረምፕ

ሩስያ የዩናይትድ ስቴትስን የፖለቲካ መድረክ ማተራመስ በደምብ አድርጎ ተሳክቶላታል ሲሉ ፕሬዚዳንት ዶናልድ ትረምፕ ተናገሩ፡፡

ሩስያ በአምናው ምርጫ ጣልቃ በመግባትዋ ጉዳይ ለወራት የቀጠሉት ምርመራዎች ፖለቲካውን ማተራመሱን እጅግ በጣም እንዳሳካላት አምናለሁ ብለዋል፡፡

ፕሬዚዳንቱ በትዊተር በፃፉት አስተያየት የሩስያ ዓላማ ዩናይትድ ስቴትስን ማናጋት፣ ማጣላት፣ መበጥበጥ ከሆነ ይሄ ሁሉ የኮንግረስ ኮሚቴ ምርመራ እና በሪፖብሊካን ፓርቲው ላይ ያለው ጥላቻ ዓላማቸውን ካለሙት በላይ አሳክቶላቸዋል ብለዋል። አያይዘውም ሞስኮ ውስጥ እየሳቁብን ነው እንወቅበት ብለዋል ፕሬዚዳንቱ።