መቀሌ —
በራያና ቆቦ ልዩ ስሙ መንደፈራ በተባለ አካባቢ የሚኖሩ ገበሬዎች በምግብ እጥረት ከብቶቻቸውን እየሸጡ መሆኑን ይናገራሉ። በአካባቢው በአሁኑ ሰአት እየጣለ ያለው ዝናብ የዘሩትን እንዳያበላሽባቸው ክፉኛ ሰግተዋል። ከመንግስት በቂ የእህል እርዳታ ካላገኘን ከባድ የረሃብ አደጋ ይደርስብናል ብለው እንደሚፈሩም ተገልጿል።
በሰሜን ወሎ ዞን የአደጋ መከላከልና ምግብ ዋስትና ፕሮግራም ማስተባበርያ ጽ/ቤት ተጠሪ አቶ መሃመድ ያሲን በበኩላቸው በዞኑ ለ54,000 ሕዝብ እርዳታ እንደተሰጠና መንግስት በቂ የእህል ክምችት እንዳለው ይናገራሉ።
ዘገባውን ግርማይ ገብሩ ከመቀሌ ልኮልናል ከዚህ በታች ካለው የድምጽ ፋይል ያዳምጡ።
