ዋሺንግተን ዲሲ —
በሃጫሉ ሁንዴሳ ህልፈት በእጅጉ ያዘኑ መሆናቸውን በመግለፅ ለቤተሰቡ፣ ለጓደኞቹ፣ ለመላው የኦሮሞና የኢትዮጵያ ሕዝብ መልዕክታቸውን ያስተላለፉት የኦሮሞ ነፃነት ግንባር ሊቀመንበር ኦቦ ዳዉድ ኢብሳ የማንም ሲቪል ህይወት በዚህ ዓይነት ሁኔታ ማለፍ እንደሌለበት አሳስበዋል።
ነፃና ግልፅ ምርመራ እንዲካሄድም ለመንግሥት ጥሪ አቅርበዋል።
“በሕዝቦች መካከል ውጥረት እንዲፈጠር ሁልጊዜ የሚጥሩ አሉ” ያሉት ኦቦ ዳውድ የሕዝቡ ህይወት ጤናማ ሆኖ እንዲቀጥል ጥሪ አስተላልተዋል።
ሰዉ የሚሰማውን በነፃነትና በሰላም እንዲገልፅ የፀጥታ ኃይሎችም ህዝቡ ስሜቱን ሲገልፅ “አላስፈላጊ” ያሉትን እርምጃ እንዳይወስዱ አደራ ብለዋል።
ኦቦ ዳዉድ ኢብሳ ከቪኦኤ ጋር ያደረጉትን ሙሉ ቃለ ምልልስ ከተያያዘው የድምፅ ፋይል ያዳምጡ።
