አዲስ አበባ —
የጠቅላይ ሚኒስትሩ ቃል አቀባይ ቢልለኔ ስዩም ከአሜሪካ ድምፅ ጋር ባደረጉት ቃለ ምልልስ እንዳሉት ጉብኙቱ ከሥራ ፈጠራ እና ከኢንቨስትመንት አንፃር የኢትዮጵያን ምቹ ሁኔታ ለማሳየት የተቻለበት ነው።
የሁለትዮሽ ስምምነቶች የተፈረሙበት የጠቅላይ ሚኒስትሩ ተፅዕኖ ፈጣሪነት እና በእሳቸው የሚመራው የለውጥ ሂደት የተነሳበት መሆኑንም ቃል አቀባይዋ ገልፀዋል።
ለሁለት ተከፍሎ የነበረው የኢትዮጵያ ኦርቶዶክስ ቤተክርስቲያን ቅዱስ ሲኖዶስ ወደአንድ እንዲመጣ ከፍተኛ ሚና የተጫወቱት ጠቅላይ ሚኒስትር ዐብይ አሁንም ለመሰል የሰላም ሚና ዝግጁ መሆናቸውንም ቃል አቀባያቸው ጠቁመዋል።
ጠቅላይ ሚኒትሩ በቅዱስ ሲኖዶስና በኦሮሚያ ቤተ ክህነት አደራጅ ኮሚቴ መካከል የተፈጠረውን አለመግባባት ይሸመግሉ እንደሆነ በአሜሪካ ድምፅ የተጠየቁት ቃል አቀባያቸው ከተጋበዙ ዝግጁ ናቸው ነው ያሉት።
በጠቅላይ ሚኒስትር ጽህፈት ቤት የፕሬስ ክፍል የውጭ ቋንቋዎችና ዲጂታል ዘርፍ ኃላፊ የሆኑትንና ከጠቅላይ ሚኒስትሩ ጋር ተጉዘው የተመለሱትን ቢልለኔ ስዩምን አነጋግረናቸዋል፡፡
የተያያዘውን የድምፅ ፋይል ያዳምጡ።
የፌስቡክ አስተያየት መስጫ