በዩናይትድ ስቴትስ ከ2 ዓመታት በኋላ ስለሚካሄደው ፕሬዚዳንታዊ ውድድር አነጋጋሪነት

ዩናይትድ ስቴትስ ውስጥ ከሁለት ዓመታት በኋላ የሚካሄደው ፕሬዚዳንታዊ ውድድር ከአሁኑ አነጋጋሪ ሆኗል።

በራስዋ ጥረት ቢልዮነር ለመሆን የበቃችው ታዋቂ የሚድያ ሰው ኦፕራ ዊንፍሪ ፕሬዚዳንት ዶናልድ ትራምፕን ለመወዳደር ብትቀርብ የሚል ጥያቄ ለምክትል የዋይት ኃውስ ቃል አቀባይ ሆጋን ጊድሊ ትላንት በቀረበበት ወቅት ኦፕራም ሆነች ሌላ ሰው ቢወራደራቸው ተግዳሮቱን በበጎ እንቀበላለን የሚል መልስ ሰጥተዋል።

የ 63 ዓመት ዕድሜዋ ዊንፍሪ ለፕሬዚዳንትነት እንደማትወዳደር ግልጽ አድርጋለች። ባለፈው እሁድ በተካሂደው የጎልደን ግሎብ ሽልማት ላይ ያደረገችው ንግግር ግን በቀጣዩ ምርጫ ምናልባት በዲሞክራትነት ሳትወዳደር አትቀርም የሚል ግምት አሳድሯል።