የኮንሶ እንደራሴ እንዲመለሱ ተጠየቀ

ለፌደራሉ መንግሥት አቤቱታውን እንድናቀርብ የኮንሶ ሕዝብ ወክሎ ልኮናል ያሉ ሰዎች አዲስ አበባ ይገኛሉ፡፡

ለፌደራሉ መንግሥት ከፍተኛ ባለሥልጣናትና መሥሪያ ቤቶች የቀረቡት ጥያቄዎች ለተወካዮች ምክር ቤት ከወረዳው የተመረጡት እንደራሴ የሕዝብ እምነት በማጣታቸው ምክንያት እንዲመለሱ፣ የኮንሶ ወረዳ እራሱን ችሎ በዞን ደረጃ እንዲዋቀር ጥያቄ ከቀረበበት ጊዜ አንስቶ በሕዝቡ ላይ እየደረሰ ነው ያሉት ጥቃትና እንግልት እንዲቆም እንዲደረግ እና የዞንነት ጥያቄው እንዲታይለት የሚሉ ናቸው፡፡

የሕዝቡ ተወካዮች ነን የሚሉት ሰዎች የሃምሣ ሺህ ሰው ፊርማ መሰብሰባቸውን አመልክተው እንደራሴው የሕዝቡን እምነት ያጡት ጥያቄውን በማጣጣላቸውና ሕዝቡን በመዝለፋቸው ነው ብለዋል፡፡

“ተወካዮቹ” ጥያቄዎቻቸውን ለጠቅላይ ሚኒስትሩ፣ ለሕዝብ ተወካዮች ምክር ቤት፣ ለፌደራል የሰብዓዊ መብቶች ኮሚሺንና እምባ ጠባቂ ተቋም፣ ለፌደራል ጉዳዮች ሚኒስቴርና ሌሎችም ባለሥልጣናትና በጠቅላላው ለዘጠኝ መሥሪያ ቤቶች ማስገባታቸውን ገልፀዋል፡፡

በሕዝቡ ላይ ይደርሣል ያሉትን ጥቃትና እንግልት የሚመረምር ቡድን ወደ ኮንሶ እንደሚላክ ከከፍተኛ ባለሥልጣናቱ የተነገራቸው መሆኑን ከተወካዮቹ አንዱ ለቪኦኤ በሰጡት ቃለምልልስ አመልክተዋል፡፡

ለተጨማሪ ከተወካዮቹ አንዱ የሆኑትን የአቶ አቤል ለሜቻንና የመለስካቸው አምሃን ቃለ-ምልልስ ከተያያዘው የድምፅ ፋይል ያዳምጡ፡፡

Embed share

የኮንሶ እንደራሴ እንዲመለሱ ተጠየቀ

by የአሜሪካ ድምፅ

Embed share

The code has been copied to your clipboard.

The URL has been copied to your clipboard

---

No media source currently available

0:00 0:05:30 0:00

ቀጥተኛ መገናኛ

• 128 kbps | ኤምፒ3
• 32 kbps | ኤምፒ3

ብቅ ባይ መስኮት የድምፅ መስምያ