በቀላሉ የመሥሪያ ማገናኛዎች

የጃን ሲድኒ መክኬን አሸኛኘት እና ሕይወት


የጃን መክኬን መካነ-መቃብር
የጃን መክኬን መካነ-መቃብር

“በዚህ ሥፍራ የሠረፀብኝ የክብር ስሜት፣ እጅግ የጨለሙ ቀኖቼ በዋጡኝ ጊዜ እየመጣ ሹክ ይለኝ፣ ይናገረኝ ነበር። እናም አሁን ውርደትን እፀየፍ ዘንድ ወደተማርኩበት ወደዚህ ሥፍራ እንደገና፣ ደግሞም እንደገና እመላለሳለሁ።” - ጃን መክኬን ወታደራዊ ሥልጠና ስለወሰዱበት የባሕር ኃይል አካደሚ ሲናገሩ

በዩናይትድ ስቴትስ የሕግ መወሰኛ ምክር ቤት ለስድስት የምርጫ ዘመናት፤ ቀደም ሲልም በሕግ መምሪያው፤ በወጣትነት ዕድሜአቸውም ሃገራቸውን በውትድርና ያገለገሉት የሴናተር ጃን መክኬን አስከሬን ዛሬ ሜሪላንድ ዋና ከተማ አናፖሊስ ውስጥ ቤተሰብና ወዳጅ ዘመድ በተገኘበት የቀብር ሥነ-ሥርዓት አርፏል።

ይህ ፎቶ የተወሰደው በ2006 ዓ.ም. /በኢት.የዘ.አ/ ሚያዝያ መጨረሻ ላይ ነበር። ሴናተር ጃን መክኬን ለዋይት ሃውስ ሪፖርተሮች ማኅበር ዓመታዊ የእራት ግብዣ ከልጃቸው ሜጋር መክኬን ጋር ወደ ዋይት ሃውስ ሲገቡ ነበር።
ይህ ፎቶ የተወሰደው በ2006 ዓ.ም. /በኢት.የዘ.አ/ ሚያዝያ መጨረሻ ላይ ነበር። ሴናተር ጃን መክኬን ለዋይት ሃውስ ሪፖርተሮች ማኅበር ዓመታዊ የእራት ግብዣ ከልጃቸው ሜጋር መክኬን ጋር ወደ ዋይት ሃውስ ሲገቡ ነበር።

ለሴናተር መክኬን የተደረገው ለአምስት ቀናት የዘለቁ የመታሰቢያና የአሸኛኘት ሥነ-ሥርዓቶች በእንደራሴነት ባገለገሏት አሪዞና ግዛትና ዋና ከተማዪቱ ዋሺንግተን ዲሲ ውስጥም ከትናነት በስተያ በተወካዮች ምክር ቤቱ፤ ትናንትም በብሄራዊው ካቴድራል በመንግሥታዊ ክብር ተከናውነውላቸዋል።

የቀድሞው ምክትል ፕሬዚዳንት ስለረዥም ጊዜ ጓደኛቸው ጃን መክኬን የተናገሩት ከለቅሶ ጋር ነበር
የቀድሞው ምክትል ፕሬዚዳንት ስለረዥም ጊዜ ጓደኛቸው ጃን መክኬን የተናገሩት ከለቅሶ ጋር ነበር

የዩናይትድ ስቴትስ ባሕር ኃይል የጦር ጄት አብራሪና ተዋጊ፣ ለአምስት ዓመታትም በቪየትናም እሥር ቤት የበረታ ሥቃይ ያሳለፉት ጃን መክኬን ባለፈው ጥቅምት ወታደራዊ ዕውቀታቸውን ወደቀሰሙበት አካዳሚ ብቅ ያሉ ጊዜ ላገኟቸው የተማሪዎች መማክርት ጉባዔ አባላት ሲናገሩ ያኔ ወደፊት ይጠብቋቸው ለነበሩ እጅግ የከበዱ ፈተናዎች ትምህርት ቤታቸው ምን ያህል እንዳዘጋጃቸው አስታውሰውላቸዋል።

“በዚህ ሥፍራ የሠረፀብኝ የክብር ስሜት፣ እጅግ የጨለሙ ቀኖቼ በዋጡኝ ጊዜ እየመጣ ሹክ ይለኝ፣ ይናገረኝ ነበር። እናም አሁን ውርደትን እፀየፍ ዘንድ ወደተማርኩበት ወደዚህ ሥፍራ እንደገና፣ ደግሞም እንደገና እመላለሳለሁ።”

ለሙሉው ቅንብር የተያያዘውን የድምፅ ፋይል ያዳምጡ።

የጃን መክኬን አሸኛኘት እና ሕይወት
please wait

No media source currently available

0:00 0:40:32 0:00

የፌስቡክ አስተያየት መስጫ

XS
SM
MD
LG