ዘመቻ “ዜሮ”ን ማሣካት ቢታሰብም የበጀት እጥረት ሥጋት አለ

ይህ በመጭዎቹ ሃያ አምስት ወራት ውስጥ፣ በአውሮፓዊያኑ አቆጣጠር እስከ 2015 ዓ.ም ባለው ጊዜ መጨበጥ ይቻላል ተብሎ የተቀመጠ ግብ ነው፡፡ “ይቻላል?” … ዛሬ በመላው ዓለም ከአንድ ሺህ በላይ ሕፃናት ከኤችአይቪ ጋር ይወለዳሉ፡፡ ከእነዚህ ውስጥ ግማሽ የሚሆኑት ሁለተኛ ዓመት የልደት ቀናቸውን አያዩም፡፡

ኢትዮጵያ ውስጥ ፀረ-ኤችአይቪ/ኤድስ እንቅስቃሴው እየተከናወነ ስላለበት ሁኔታ ተደርሶበታል ስለተባው ደረጃ ባለፈው ቅዳሜ ታስቦ ከዋለው የዓለም የኤድስ ቀን ጋር ተያይዞ ውይይት ጀምረናል፡፡

አቶ ዓለሙ አኖ፣ በኤችአይቪ/ኤድስ መከላከያና መቆጣጠሪያ ፅ/ቤት የዘርፈ-ብዙ ምላሽ ማስተባበሪያ ዳይሬክቶሬት ዋና ዳይሬክተር፤ አቶ ደረጀ ዓለማየሁ፣ ኤችአይቪ በደማቸው ውስጥ የሚገኝ ሰዎች ማኅበራትና መረቦች መረብ ዋና ዳይሬክተር፤ አቶ መንግሥቱ ዘመነ፣ የአንጋፋውና በኢትዮጵያ ከግዙፎቹ ኤችአይቪ በደማቸው ውስጥ የሚገኝ ሰዎች ማኅበራት አንዱ የሆነው የመቅድም ኢትዮጵያ ዋና ሥራ አስኪያጅ እና ዶ/ር አጎናፍር ተካልኝ፣ ለኤችአይቪ/ኤድስ የሚሰጠው ምላሽ ቀዳሚ ተሣታፊ፣ መሪና ተሟጋች፣ እንዲሁም አሁን የኢትዮጵያ የወባ መከላከያና መቆጣጠሪያ ኮንሰርቲየም ዋና ዳይሬክተር ናቸው የውይይቱ ተሣታፊዎች፡፡

በዛሬው የውይይቱ የመጨረሻ ክፍል የሚነሣው የበጀትና የገንዘብ አጠቃቀም ጉዳይ ነው፡፡ ለመሆኑ - አቅም ሊያጥረን ይችላል፤ ምንጭ ሊደርቅ ይችላል የሚል ሥጋት አላችሁ? ተብለው ሲጠየቁ “አለ” ይላሉ፡፡

የውይይቱን የመጨረሻ ክፍል ያዳምጡ፡፡