የጂ 20 አባል አገሮች በአፍጋኒስታን ጉዳይ ዛሬ ይመክራሉ

የሰብአዊና የኢኮኖሚ ቀውስ ውስጥ የምትገኘውን አፍጋኒስታንን አመስልከቶ የጂ 20 የበለጸጉ አገራት መሪዎች፣ ዛሬ ማክሰኞ በድረ ገጽ ይወያያሉ፡፡

መሪዎቹ ታሊባን አፍጋኒስታንን ከተቆጣጠረ በኋላ በአገሪቱ ስላለው የደህንነት ሁኔታና ስለሚያስፈልገው እርዳታም እንደሚመክሩ ተገልጿል፡፡

ስብሰባውን ያዘጋጁት የጣሊያን ጠቅላይ ሚኒስትር ማሪዮ ድራጊ ሲሆኑ፣ የተባበሩት መንግሥታት ዋና ጸሀፊ አንቶኒዮ ጉተሬዥ የዩናይትድ ስቴትስ ፕሬዚዳንት ጆ ባይደን፣ የህንድ ጠቅላይ ሚኒስትር ናሪንድራ ሞዲ እንዲሁም ከአውሮፓ የጂ 20 አባል አገሮች በስብሰባው ላይ ይሳተፋሉ ተብሏል፡፡