ዋሽንግተን ዲሲ —
በአስር ኤከር ላይ ያረፈው የማዕከሉ አዲሱ ይዞታ
አዲሱ የማዕከሉ ህንፃ
ዩናይትድ ስቴትስ ውስጥ በጆርጂያ ክፍለ ግዛት የአትላንታ የኢትዮጵያ ማህበረሰብ ማዕከል፣ አትላንታ ከተማ ውስጥ 1.7 ሚሊዮን ዶላር በሚሆን ወጭ ለህብረተሰቡ አገልግሎት የሚሰጥ አንድ ሥፍራ መግዛቱን አስታውቋል፡፡
በአስር ኤከር ላይ የተንጣለለው ይዞታው ከ20ሺ በላይ ሰዎችን የሚይዝ መናፈሻ ያለው ሲሆን ከ2ሺ በላይ የሚሆኑ ሰዎች ሊሰበሰቡት የሚችል አዳራሽም አለው፡፡
ወደ 15 የሚሆኑን የቢሮ አገልግሎት የሚውሉ ክፍሎች እንዳሉትም የአትላንታ ህብረተሰብ ማዕክል ዳይሬክተር አቶ አቶ ዮናስ ታምሩ ለአሜሪካ ድምጽ ተናግረዋል፡፡
እንደ ወትሮው ሁሉ ሰሞኑንም በኢትዮጵያ ተጎጂ ለሆኑ ወገኖቹ በቅርቡ በ100ሺ የሚቆጠር ገንዘብ ልኳል ያሉት አቶ ዮናስ ፣ ይህንንም ማዕከል ለመግዛት የአትላንታ ኢትዮጵያውያን፣ እንዲሁም የእምነትና የንግድ ተቋማት ወጭውን ሙሉ ለሙሉ የሸፈኑት መሆኑን ተናግረዋል፡፡
ዳሬክተሩ በቅርቡ ይመረቃል ያሉት ማዕክል እስከዛሬ ለተለያዩ ዝግጅቶች በተለይም ለስቴዲዮም የምንከፈለውን እስከ 20ሺ ዶላር የሚቆጠረውን ወጭ ያስቀርልናል ብለዋል፡፡
ዝርዝሩን ከተያያዘው የድምጽ ፋይል ያድምጡ፡፡
