ወልድያ/ባህርዳር —
በወልድያ ዩኒቨርሲቲ ከትላንት በስትያ ምሽት በተማሪዎች መሃከል በተቀሰቀሰ ግጭት ሁለት ተማሪዎች መገደላቸውን ሌሎች ቁጥራቸው አሥር የሚደርስ ተማሪዎች ደግሞ መቁሰላቸውን የዩኒቨውርሲቲው ተማሪዎችና ባለሥልጣናት አስታወቁ።
የመንስኤው ምንነት ለጊዜው ያለመታወቁን የዩኒቨርሲቲው ባለሥልጣናት ይናገራሉ። የክልሉ ፓሊስ በበኩሉ የወንጀሉን መንስኤና የገዳዮች ማንነት በማጣራት ላይ መሆኑን፤ የወንጀሉ ፈጻሚዎች እንደታወቁም ሕግ ፊት እንደሚቀርቡ አስታውቋል።
በሌላ ተያያዥ ዜና የሁለት ተማሪዎች ሕይወት የጠፋበትን ድንገት “በሰላማዊ ተማሪዎች ላይ የተፈጸመ ድብደባ” ያሉት የኦሮምያ ክልል ምክትል ፕሬዝዳንት አቶ ሽመልስ አብዲሳ ኦቢኤ’ን ቴሌቭዥን ላይ በተነበበው መግለጫቸው “አንዳንድ የፖለቲካ ፓርቲዎች በአቋራጭ ስልጣን ፍለጋ ሕዝቡን እያስጨነቁ ይገኛሉ። ባሁኑም ወቅት ሁኔታዎችን እየመረጡ ግጭት በማስፋፋት ላይ ይገኛሉ።” ሲሉ ከሰዋል። የፖለቲካ ፓርቲዎቹን ማንነት ግን በስም አልገለጹም።
ለዝርዝሩ መስፍን አራጌ ከደሴ አስቴር ምስጋናው ከባሕር ዳር ያጠናቀሯቸው ዘገባዎች ይዳምጡ።
የፌስቡክ አስተያየት መስጫ