አዲስ አበባ —
ለአለፉት ወራት በሀገሪቱ ውስጥ የተፈጠረው ቀውስና ሁከትም ሆነ በሕይወትና ንብረት ላይ ለደረሰው ጉዳት መሪውን ሚና የተጫወቱት ″የውጭ ኃይሎችና በሽብርተኝነት የተፈረጁት ኦነግ፣ እንዲሁም ግንቦት ሰባት ናቸው″ ሲሉ የኢፌዲሪ ፕሬዘዳንት ዶ/ር ሙላቱ ተሾመ አስታወቁ።
የህዝብ ምክር ቤቶች የተለያዩ ድምጾች የሚሰሙባቸውና የሚፎካከሩባቸው እንዲሆኑ፥ የሃገሪቱ የምርጫ ሕግ መለወጥ እንዳለበትም ፕሬዘዳንቱ ዛሬ ለተወካዮች ምክር ቤትና ለፌዴሬሽን ምክር ቤት የጋራ ስብሰባ ተናግረዋል።
መለስካቸው አምሃ ተከታትሏል።
ዝርዝርሩን ከተያያዘው የድምፅ ፋይል ያድምጡ።
የቅዳሜውን የኢትዮጵያ መንግሥት የአስቸኳይ ጊዜ ዐዋጅ ድንጋጌ አስመልክቶ የዩናይትድ ስቴትስ የውጭ ጉዳይ ሚንስቴር ተከታዩን አጭር ምላሽ ሰጥቷል።
“የኢትዮጵያ መንግሥት የአስቸኳይ ጊዜ ዐዋጅ መደንገጉን ተረድተናል። የዜጎች ሕገ መንግሥታዊ መብቶች ጥበቃ እንዳይደናቀፍ ሁሉም ወገኖች ከብጥብጥ እንዲርቁ እናሳስባለን።”
