ዋሽንግተን ዲሲ —
አድማሱ ብርሃኑ በአድናቂዎቹ አባ ለታ-አባ ካሩ በመባል ነው የሚታወቀው። እነዚህም በስራዎቹ የተጫወታቸው ገጸ-ባህርያት ናቸው።
በተለይ በ1980ዎቹ በኢትዮጵያ ቴሌቭዥን ደንጋ የቅዳሜ መዝናኛ ዝግጅት ላይ ከፍተኛ አድናቆትን አትርፏል። ኦሮሚኛ ቋንቋ የማይችሉ ሁሉ የአድማሱን ቀልዶች፤ በትወናው፤ ለየት ባለችው ቅጭሞ ፊቱ ይወዱለታል፤ እንዲያውም የማይናገሩትን ቋንቋ እንደሚናገሩና እንደሚሰሙ እንዲያስቡ የማድረግ ችሎታ አለው።
አባ ለታ በዜማ፣ በትረካና በቴሌቭዥን ድራማዎቹ፤ ማህበራዊና ፖለቲካዊ መልእክቶችን ያደረሰ፤ ግሩም የኪነጥበብ ሰው ነው።
አባ ለታ ድንገት ነው ያረፈው። በኦሮሚያ ቴሌቭዥን የሚተላለፍ ጤቡ የተባለ ድራማ ላይ በመተወን ላይ ነበር። ፕሮግራሙን ለማዳመጥ ከዚህ በታች ያለውን የድምጽ ፋይል ይጫኑ።
