አዲስ አበባ —
የዩናይትድ ስቴትስ መንግሥት የውጭ ጉዳይ መሥሪያ ቤት በቅርቡ ይፋ ያደረገው የ2016 ዓ.ም. (እአአ) የዓለም ሀገሮች የሰብዓዊ መብቶች አያያዝ ሪፖርት በኢትዮጵያ ላይ ያተኮረው ክፍል "ሚዛናዊ አይደለም" ሲል የኢትዮጵያ መንግሥት ተችቷል፡፡
ዘገባው መሠረት ያደረገው የፖለቲካ ፍላጎት ያላቸው ሀይሎች ብቻ የሰጡትን መረጃ እንጂ ከመንግሥትና ከሀቀኛ ዜጎች የተገኘ መረጃ እንደሌለው ተገለፀ፡፡
ወደ ፊት ግን በመንግሥት ገለልተኛ አካል ነው የተባለው የኢትዮጵያ ሰብዓዊ መብቶች ኮሚሽን ግኝቱን እንደሚያቀርብ የመንግሥት ኮሙዩኒኬሽን ጉዳዮች ጽ/ቤት አስታውቋል፡፡
የኢትዮጵያ መንግሥት ኮሙዩኒኬሽን ጉዳዮች ጽ/ቤት የሕዝብ ግንኙነት ኃላፊ አቶ ሙሐመድ ሰዒድ ለቪኦኤ አንደገለፁት የዩናይትድ ስቴትስ የውጭ ጉዳይ መ/ቤት እአአ የ2016 የዓለም ሀገሮች የሰብዓዊ መብቶች ዘገባን ሲያወጣ በኢትዮጵያ ተፈጥረው የነበሩ ሁኔታዎችን በአግባቡ አልተገነዘበም ይላሉ፡፡
ለተጨማሪ የተያያዘውን የድምፅ ፋይል ያዳምጡ፡፡
የፌስቡክ አስተያየት መስጫ