በህገ ወጥ የሰዎች ዝውውር የተከሰሰው ኤርትራዊ ጉዳይ

ከዓለም ዋና ዋና ህገ ወጥ የፍልሰተኛ አሸጋጋሪ መረቦች አንዱ የሆነ ቡድን ዋና አዛዥ ተብሎ የተከሰሰው መድህኔ ይህደጎ መርድ የተባለ ኤርትራዊ፤ ኤርትራ፣ ኢትዮጵያ፣ ሊቢያ፣ ሱዳን፣ የተባበሩት የአረብ ኤሚሬቶች አውሮፓን ጨምሮ ቅርንጫፎች እንዳሉት ተጠቅሷል።

እአአ በ2016 ሱዳን ውስጥ ተይዞ ለጣሊያን ተላልፎ የተሰጠው ግን እኔ መድሃኔ ተስፋ ማርያም በርሄ ነኝ ስራዬም አናጺ ነኝ ብሎ ሲሟገት ቆይቷል።

የሁለቱ ሰዎች መልክ አለመሳሰሉ ብቻ ሳይሆን የዘረመል (ዲኤንኤ) ምርመራ ማስረጃዎችም የታሰረውን መድሃኔን ሙግት ዕውነቱን ቢያሳይም፣ የጣሊያን አቃቤ ህጎች ግን አስራ አራት ዓመት እስራት እንዲፈረድበት ጠይቀዋል።

ዛሬ ዓርብ ነው ፓሌርሞ ላይ ያስቻለው ፍርድ ቤት ለመድሃኔ ተስፋ ማርያም በርሄ የፈረደለት።