ዋሺንግተን ዲሲ —
ኤርትራ፣ ሱዳን፣ ጂቡቲና ሶማሊያ የፕሬስ ነፃነት የሌለባቸው ሃገሮች እየተባሉ ወትሮም የሚፈረጁ ሲሆኑ ባለፉ ጥቂት ዓመታት ውስጥ ግን እንደኬንያና ታንዛንያ ዓይነት ወትሮ የተሻለ ነፃነት እንዳለባቸው የሚነገርላቸውን ሃገሮች ጨምሮ በመላ ምሥራቅ አፍሪካ የሚታየው ሁኔታ እየተበላሸ መምጣቱ ይሰማል።
ድንበር የለሽ ሪፖርተሮች - አር. ኤስ.ኤፍ. የሚባለው የፕሬስ ነፃነት ተሟጋች ቡድን ኢትዮጵያን በፕሬስ ነፃነት ይዞታዋ ከ180 ሃገሮች 150ኛ ቦታ ላይ አስቀምጧታል።
በምሥራቅ አፍሪካ አካባቢ ለፕሬስ ነፃነት መጥፋትና ለአፈና እንደሰበብ ተዘውትሮ ከሚነሱ ችግሮች መካከል ሽብር ፈጠራና ብሄራዊ ደኅንነት ዋናዎቹ ናቸው።
የፕሬስ ነፃነት ሲነካና ሲገደብ ዜጎች ሊጨነቁ፣ ሊጮኹ እንደሚገባ የአምነስቲ ኢንተርናሽናል የምሥራቅ አፍሪካ አካባቢ ዳይሬክተር ዶያን ንያንንዩኪ ለቪኦኤ ተናግረዋል።
ለተጨማሪ የተያያዘውን የድምፅ ፋይል ያንብቡ።
የፌስቡክ አስተያየት መስጫ