የዶ/ር ነጋሶ የቀብር ሥነ ስርዓት ከነገ ወዲያ ይፈፀማል

የህዝብ ተወካዮች ምክር ቤት የመንግስት ከፍተኛ ባለስልጣናት፣ ወዳጅ ዘመዶቻቸው እና ቤተሰቦቻቸው በተገኙበት ስለሚከናወነው የቀብር ሥነ ስርዓት እና ብሄራዊ የሀዘን ቀንን አስመልክቶ ባፀደቀው ውሳኔ መሰረት የቀብር ሥነ ስርዓት በወታራዊ አጀብ ይከናወናል፡፡

በቀጣይ ውሳኔም የአንድ ቀን ብሄራዊ የሀዘን ቀን በመላ ሃገሪቱ እንደሚከናወን እና የቀብር ሥነ ስርዓቱን ሙሉ ወጪ መንግሥት እንደሚሸፍን የደረሰን ዜና አመልክቷል።

በሰባ ስድስት ዓመታቸው ባለፈው ቅዳሜ ያረፉት የዶ/ር ነጋሶ ጊዳዳ አስከሬን ፍራንክፈርት ጀርመን ከተማ በተካሄደ ሥነ ስርዓት የተሸኘ ሲሆን ነገ ቅዳሜ ንጋት ላይ ቤተሰቦችና ከፍተኛ የመንግሥት ባለሥልጣናት በቦሌ ዓለምቀፍ አውሮፕላን ማረፊያ በመገኘት የአስከሬን አቀባበል ያደርጋሉ።