በ Angola Press ዘገባ መሠረት፥ ኢትዮጵያ፥ አዲስ አበባ ውስጥ የመሪዎች ጉባዔ በተካሄደበት ወቅት የቦንብ ጥቃት ለማድረስ በተጠነሰሰ ሤራ እጇ ነበረበት ስትል በመክሰስ በኤርትራ ላይ ጠንካራ ማዕቀብ እንዲጣልባት ለበርካታ ወራት ስትጥር ቆይታለች። አሁን ከቅርብ ጊዜ ወዲህ ጀምሮ ደግሞ፥ ኤርትራ የሱማልያ ተዋጊዎችን እያስታጠቀች ነው በማለት ኬንያ እየከሰሰቻት ባለችበት ሁኔታ፥ የፀጥታው ምክር ቤት አባል የሆኑት የአፍሪቃ ሀገሮች ናይጄሪያና ጋቦን፥ በኤርትራ የማዕድን ኢንዱስትሪና ዜጎቿ ከውጭ በሚልኩት ገንዘብ ላይ እገዳ እንዲደረግ ያረቀቁትን የውሳኔ ሃሳብ አቅርበዋል ተብሏል።
አስመራ ግን የሚቀርቡባትን ክሶች ሁሉ አጥብቃ መቃወም ብቻ ሳይሆን የሀሰት ውንጀላዎች ናቸው ስትል ታስተባብላለች።
በነዚህ ዘገባዎችና ሌሎች እንዲሁም ኢትዮጵያና ኤርትራን በተመለከቱ ጉዳዮች ዙሪያ አምባሳደር ግርማ አስመሮም በአፍሪቃ ህብረት የኤርትራ ቋሚ ተጠሪን ጋብዘናል።
ያነጋገራቸው ሰሎሞን ክፍሌ ነው:
