ዋሽንግተን ዲሲ —
የዓለም ምግብ ድርጅት ዛሬ ባወጣው የምግብ ደህንነት ግምገማ መረጃ በትግራይ ወደ 40 ከመቶ የሚጠጋው ህዝብ 15 ወራት ከዘለቀው ግጭት በኋላ በትልቅ የምግብ እጥረት እየተሰቃየ መሆኑን አስታውቋል፡፡
በግጭቱ በተጎዱ ሦስቱ የሰሜን ኢትዮጵያ ክልሎችም 9 ሚሊዮን የሚጠጋ የሰብአዊ እርዳታ የሚያስፈልገው መሆኑን ገልጾ ይህ ከእከሰዛሬው ትልቁ መሆኑን አስታውቋል፡፡
እድሜያቸው 5 ዓመትና ከዚያ በታች ከሆኑ ህጻናት መካከል 13 ከመቶ የሚሆኑት እንዲሁም ሁሉም ነፍሰ ጡር ሴቶችና የሚያጠቡ ሴቶች የተመጣጠነ ምግብ እንደማያገኙም ጥናቱ አመልክቷል፡፡ ይህ ጤነኛ ያልሆነ እርግዝና እንዲሁም ከክብደታቸው በታች ሆኖ መወለድና የወሊድ ወቅት ሞትን የሚያስከትል መሆኑም በተደረገው ጥናታዊ ቅኝት የተመለከተ መሆኑን ተገልጿል፡፡
በምስራቅ አፍሪካ የዓለም ምግብ ድርጅት ሊቀመንበር ዳይሬክተር ማይክ ደንፎርድ ይህ በሰሜን ኢትዮጵያ የሚሰጠው የሰብ አዊ ድጋፍ ከፍ ማለት ያለበት መሆኑና ተረጅዎቹም አሁኑኑ የሚፈልጉት መሆኑን ያሳያል ብለዋል፡፡
