በዋግ ኽምራ ብሔረሰብ አስተዳደር ዞንበሰሀላ ሰየምት ወረዳ ሦስት ቀበሌዎች በተከሠተው አጣዳፊ ተቅማጥ እና ትውከት፣ ባለፈው ሳምንት ብቻ አምስት ሰዎች ሲሞቱ፣ 262ቱ ደግሞ በጽኑ መታመማቸውን፣ የዞኑ ጤና መምሪያ ኃላፊ አቶ አሰፋ ነጋሽ ገልጸዋል።
ለተጨማሪ ምርመራ፣ ናሙና ወደ ክልሉ የኅብረተሰብ ጤና ኢንስቲትዩት ለመላክ በዝግጅት ላይ መኾኑን የጠቆሙት ኃላፊው፣ የሕመሙን መስፋፋት ለመቆጣጠር ድጋፍ ሰጭ የሐኪሞች ቡድን ወደ ስፍራው ተልኮ የመከላከል ሥራ መጀመሩን ተናግረዋል።
በወረዳው የቢላዛ ቀበሌ አስተዳዳሪ አቶ ማለደ ብሬ በበኩላቸው፣ በቀበሌው አራት ሰዎች መሞታቸውንና በርካታ ሰዎች ታመው መተኛታቸውን አመልክተዋል።
መድረክ / ፎረም