ከወራት በኃላ ለመጀመሪያ ጊዜ በጦርነት በደቀቀው  ዳርፉር የእህል ርዳታ ደረሰ 

በሱዳን የቀጠለው ጦርነት በዓለም በእጅጉ የከፋውን የርሃብ ቀውስ ሊያስከትል ይችላል በማለት ሲያስጠነቅቅ የቆየው የዓለም ምግብ መርሐ ግብር ፣ በጦርነት ወደ ወደመው የዳርፉር ግዛት ከወራት በኃላ ለመጀመሪያ ጊዜ በእጅጉ አስፈላጊ የሆነውን ረድኤት ማዳረስ እንደቻለ ትናንት አስታውቋል ።

ተቋሙ በሰሜን ፣ ምዕራብ እና ማዕከላዊ ዳርፉር ለሚገኘው ሩብ ሚሊየን ህዝብ የሚዳረስ ሁለት ምግብ እና ተዛማጅ ድጋፎችን የጫኑ መኪኖች ባለፈው ሳምንት ከቻድ ወደ ዳርፉር መግባታቸውን አስታወቋል ።

የዘገየው ተልዕኮ እንዲቀጥል የተፈቀደው የሱዳን ጦር ሃይሎች በየካቲት ወር በቻድ በኩል ያሉ የሰብአዊ ድጋፍ መተላለፊያዎችን ፍቃድ መሰረዛቸውን ተከትሎ ከተደረገ ረጅም ድርድር በኋላ ነው ብሏል መርሐ ግብሩ ።

“ ከቻድ እስከ ዳርፉር ድንበር ተሻጋሪ ሰብዓዊ ተግባራት ህፃናት በምግብ እጦት እየሞቱባቸው ለሚገኙ ማህበረሰቦች ለመድረስ ወሳኝ ናቸው።” ብለው ሌኒ ኪንዚ የተባሉት በመርሀ-ግብሩ የሱዳን የግኑኝነት ኃላፊ ።

መንገዶቹን ለመክፈት የተካሄደው ረዥም ድርድር ውጤት በማስገኘቱ እፎይታቸውን የገለጹት ኃላፊዋ ፣ የሱዳን ሕዝብ በሁሉም የሰብዓዊ ዕርዳታ መንገዶች በኩል የማያቋርጥ የዕርዳታ ፍሰት እስካላገኘ ድረስ፣ “የሀገሪቱ የረሃብ አደጋ እየባሰ ይሄዳል።” ብለዋል ።

ተቀናቃኞቹ የሱዳን ጦር ሃይሎች እና የፈጣን ደራሽ ኃይሎች ሀገሪቱን ከአንድ አመት በፊት ወደ ጦርነት ከማገዱበት ጊዜ ጀምሮ፣ የተባበሩት መንግስታት ድርጅት ከ8.5 ሚሊዮን በላይ ሰዎች መፈናቀላቸውን ገልጿል ። ከእነዚህ መካከል 6.5 ሚሊዮን የሀገር ውስጥ ተፈናቃዮች ናቸው ።
የዓለም ምግብ መርሀ ግብር እንዳለው 18 ሚሊዮን ሰዎች ለከፍተኛ ረሃብ እየተጋለጡ ሲሆን 90 በመቶ የሚሆኑት ለመድረስ አስቸጋሪ በሆኑ አካባቢዎች እንደሚገኙም ተገልጿል።